Huawei brendi Avropada P60 və Mate X3 modellərini təqdim etdiyi tədbirdə yeni Watch 4 və Watch 4 Pro ağıllı saatlarını da təqdim edib. Texnologiya nəhəngi ağıllı saat bazarındakı mövqeyini gücləndirməyə çalışır. Belə ki, yeni brendin yeni ağıllı saat modelləri dairəvi və müasir dizayna malikdir. ABŞ sanksiyaları ilə mübariz aparan Huawei brendi yeni ağıllı saatlarını daha uzun batareya ömrü və daha çox funksiya ilə təklif edir. Keyfiyyətli materiallarda hazırlanan yeni ağıllı saat modelləri titan gövdə və safir şüşə ilə təchiz edilib.
![Huawei Watch 4](https://tedroid.com/media/2023/05/huawei-watch-4-4-1024x575.jpg)
Yeni Watch 4 və Watch 4 Pro modelləri hansı xüsusiyyətlərə sahibdir?
Daha yüksək ekran-gövdə nisbəti ilə təchiz edilən yeni ağıllı saat modelləri fiziki düymələrdən məhrum edilib. Belə ki, 1.5 düymlük LTPO AMOLED ekran ilə təchiz edilən ağıllı saatlar həmişə açıq ekran funksiyasına da sahibdir. Bundan əlavə yeni saat modelləri 100 fərqli idman funksiyası ilə də zənginləşdirilib. Qeyd edək ki, istifadəçilərinin sağlamlıq və digər idman funksiyalarına süni intellekt vasitəsi ilə nəzarət edən yeni Huawei Watch 4 və Watch 4 Pro modeli EKQ, Ürək ritmi, tənəffüs, qandakı oksigen miqdarı, stress, bədən temperaturu kimi önəmli sağlamlıq məlumatlarını yalnız 1 dəqiqə ərzində təhlil edə bilir.
![Huawei Watch 4](https://tedroid.com/media/2023/05/huawei-watch-4-1.jpg)
![Watch 4 Pro](https://tedroid.com/media/2023/05/huawei-watch-4-2.jpg)
![Yeni ağıllı saat](https://tedroid.com/media/2023/05/huawei-watch-4-3.jpg)
Batareya tərəfində isə yeni ağıllı saat modelləri qənaət rejimində 21 günə qədər istifadə müddəti təklif edir. Adi istifadə zamanı isə bu göstərici 14 günə qədər azalır. Qeyd edək ki, ağıllı saat hər hansı qəza aşkar edərsə SOS təcili çağırışını avtomatik olaraq həyata keçirə bilir. Adi Watch 4 modeli 46 mm, Watch 4 Pro isə 48 mm paslanmayan poladdan hazırlanan gövdəyə malikdir. Son olaraq qeyd edək ki, yeni Huawei Watch 4 ağıllı saatı 450 avro başlanğıc qiymətinə malikdir. Watch 4 Pro modeli isə dəri kəmər ilə 550 avroya, titan kəmər ilə isə 700 avroya təklif olunur.