Qatlana bilən telefonların dayanıqlığı son illərdə tez-tez müzakirə olunan mövzudur. HONOR-un son hərəkəti bu sahədə diqqətəlayiq dünya rekorduna səbəb oldu. Şirkətin Magic V5 modeli Ginnesin Rekordlar Kitabına düşərək bu mübahisəyə konkret cavab verib. HONOR qatlana bilən telefonu Magic V5-in davamlılığını nümayiş etdirmək üçün çətin sınaqlar keçirməyə davam edir. Qeyd edək ki, daha əvvəllər güclü yağış, həddindən artıq isti və sərt təsirlərə qarşı sınaqdan keçirilmişdir. İndi o, öz oyununu gücləndiərək Ginnesin Rekordlar Kitabına daxil olub.
Çin texnoloji şirkəti Magic V5-in “aslı vəziyyətdə ən ağır yükü daşıya bilən qatlanan telefon” tituluna sahib olduğunu iddia edərək Ginnesin Rekordlar Kitabına daxil olmasını təmin etdi. Telefonun orta hissəsinə qayış bağlanıb və Magic V5-dən 84 kiloqramlıq soyuducu və əlavə 20 kilo çəki asılıb. Bu maraqlı testin məqsədi cihazın “Super Steel Hinge” strukturunun davamlılığını nümayiş etdirmək olub. Şirkətin məlumatına görə, Magic V5-in menteşəsi 500.000-ə qədər bükülməyə davam edə bilər. O, həmçinin 2300 MPa-lıq olduqca yüksək gərginlik gücünə malikdir. Bir sözlə, bu menteşə uzunmüddətli, problemsiz istifadəni təmin etmək üçün nəzərdə tutulub.
Magic V5 həm də təsirli texniki təchizata malikdir. Snapdragon 8 Elite prosessoru ilə təchiz edilən telefon 7,95 düymlük AMOLED Full HD+ daxili displey və 6,43 düymlük AMOLED xarici ekrana malikdir. 5,820 mAh batareya (qlobal versiya) və 64 MP periskop telefoto sensoru ilə üçlü arxa kamera qurğusu cihazın diqqət çəkən cəhətləri arasındadır. Modelin çəkisi 217 qram, qatlanan zaman qalınlığı 8,8 mm-dir. HONOR Magic V5 təkcə texniki xüsusiyyətləri ilə deyil, həm də Ginnes tərəfindən təsdiqlənmiş davamlılıq rekordu ilə seçilir. Bu rekord qatlanan telefonların nə qədər etibarlı ola biləcəyinə yaxşı bir nümunə idi.
