HONOR qatlana bilən Magic V4 modeli üzərində işləməyə davam edir. Belə ki, iyun ayında təqdim edilməsi gözlənilən HONOR Magic V4 ən nazik qatlana bilən smartfon adını geri qazana bilər.
Etibarlı mənbələrdən biri hesab olunan Dİgital Chat Station-a görə Magic V4, hazırda ən nazik qatlana bilən telefon olan Oppo Find N5-də tapılan 7 nüvəli Snapdragon 8 Gen Elite əvəzinə tam səkkiz nüvəli versiya ilə gələ bilər. Mənbə bildirir ki, telefon 2K təsvir ölçülü 8 düymlük LTPO OLED daxili displey və 6,45 düymlük xarici ekrana sahib olacaq. Kamera tərəfində Magic V3-də nümayiş etdirilən 50MP 1/1.5-düymlük əsas sensor saxlanılacaq, telefoto kamera isə 50MP-dən 200MP 1/1.4-düymlük kameraya yüksələ bilər.
Habelə, təkmilləşdirilmiş kamera qurğusuna baxmayaraq, Magic V4-ün 9 mm-dən daha nazik olacağı gözlənilir ki, bu da onu bazarda ən nazik qatlana bilən telefon edə bilər. Qeyd edək ki, Magic V3 bu adı keçən ay təqdim edilən Oppo Find N5-dən əvvəl əlində saxlayırdı. Ümumiyyətlə isə Honor Magic V4-ün həmçinin simsiz enerji doldurma, IPX8 suya davamlılıq reytinqi və peyk rabitəsi kimi xüsusiyyətlərin olması gözlənilir. Əgər sızıntılar doğrudursa, Magic V4 bazarda ən maraqlı qatlana bilən smartfonlardan biri olacaq.
