Bildiyimiz kimi, Honor bu ilin may ayında Honor 70 seriyasını təqdim etmişdi. İddialara görə, Çinli istehsalçı hazırda Honor 80 seriyası üzərində çalışmağa başlayıb. Ötən gün Çinli insayder Digital Chat Station Weibo hesabından qarşıdan gələn Honor smartfonları barədə əsas xüsusiyyətləri bölüşüb. Bu paylaşımda Honor 80 seriyasının təfərrüatları açıqlanıb.
Honor 80 seriyası hansı xüsusiyyələrə sahib olacaq?
Çinli yazarın sözlərinə görə, Honor indiyə qədər olduğu kimi Honor 80 seriyasında da 1.5K təsvir ölçüsünə malik qıvrımlı ekran işlədib. Çox güman ki, smartfon OLED ekranla təchiz olunacaq. Honor 80 modelləri texniki cəhətdən də bəzi yeniliklərə sahib olacaq. Belə ki, seriyanın ən üst Honor 80 Pro+ variantı Snapdragon 8+ Gen 1 çipsetinə sahib olacaq. Smartfonun 100 Vatt enerji doldurma dəstəyi ilə gələcəyi bildirilir, lakin batareyanın həcmi haqqında heç nə deyilmir. Kamera tərəfində isə cihazın 200 MP kamera ilə təchiz olunacağı iddia olunur. Hazırda cihazın köməkçi kameraları və ya selfi kamerası haqqında məlumat yoxdur. 200 MP əsas kamera isə bizə bu ay təqdim olunmuş Xiaomi 12T pro modelini xatırladır.
Çinli yazar Honor 80 seriyasının digər nümayəndələrində isə Dimensity 1080 və Snapdragon 778G Plus çipsetlərinin işlədiləcəyini qeyd edib. Bu cihazların Çində Honor 80, Honor 80 Pro və Honor 80 Pro+ kimi satışa çıxacağı gözlənilir. Honor 80 ailəsi çox güman ki, bu ilin sonuna qədər təqdim olunacaq.
