Bəzən oturub düşündükdə həqiqətən Huawei şirkətinin bazarda zəifləməsinin nə dərəcədə bərbad bir şey olduğunu anlamaq olur. İnnovativlik yox deyəcək qədər azdır, bütün brendlərin smartfonları da bir-birinə oxşayır. Əksər istehsalçıların tək hədəfi sadəcə xırda yeniliklərlə rəqabətdə qalma çabalarıdır. Huawei şirkətinə məxsus Honor brendi sanksiyalar sonrasında nə qədər ayrı bir markaya çevrilsə də, sanki damarlarında hələ də Huawei qanı dolaşır. Xüsusilə Magic seriyası smartfonların hər dəfə ortaya qoymaq istədiyi möhtəşəm kamera parametrləri bizə inanılmaz dərəcədə Huawei Mate seriyasını xatırladır. Təəsssüf ki, Magic seriyası müxtəlif səbəblərdən alıcıların seçimləri arasına çox da daxil olmur. Lakin bunun qarşılığında elə brendin adını daşıyan Honor seriyası istər Azərbaycanda, istər digər ölkələrdə yetəri qədər sevilərək alıcıların diqqət mərkəzində olur. Honor 50 seriyasından bu yana dizayn cəhətdən xırda toxunuşlarla gələn modellər əsaslı dəyişiklik olmadan premium görünüşünü qoruyur. Texniki cəhətdən isə modellər daim güclənir. Ötən gün tanıdılmış Honor 70 seriyası səviyyəni biraz da yüksəldərək 3 yeni modellə birlikdə üst seqmentdən tutmuş, orta-üst seqmentə qədər geniş bir sahəyə yayılıb.
Honor 70 Pro və Honor 70 Pro+ modelləri əslində çox bənzərdirlər
Honor 70 Pro və Honor 70 Pro modelləri demək olar zahirən tamamilə eynidir. Hətta çipset dəyişikliyindən başqa heç bir fərq yoxdur desək yanılmarıq. Smartfonların dizaynı ilə bağlı aşağıda sizə görüntülər təqdim edəcəyik, amma biraz görünüşdən bəhs edək. Arxa tərəfdən başlasaq kamera modulu Honor 60 Pro modelindəki modul dizaynı ilə müqayisədə daha sadə və gözəl görünür. Hər hansı bir əlavə çıxıntıya və bəzək üçün işlədilmiş detallara sahib deyil. Sələf modellərə, o cümlədən Huawei P50 seriyasına bənzətmələr mövcuddur. Ümumiyyətlə Honor brendi dizayn cəhətdən tez-tez ciddi dəyişiklik etməyi sevmir. Smartfonların arxa qapağı, kənarı və ekranı müəyyən bucaq altında bükülüb birləşdiyindən ovuca yumuşaq oturan quruluşa malikdir. Kənarlar kəskin deyil. Smartfonların ekranına isə söz ola bilməz. Dörd tərəfdən qıvrıma sahibdir.
Smartfonlara 6.78 düymlük FHD+ təsvir ölçülü OLED tipi ekran paneli quraşdırılıb. 120Hz tezlikli bu ekran, gözlərinizin sağlamlığı üçün ən vacib xüsusiyyətlərdən biri olan 1920Hz tezlikli PWM texnalogiyasını dəstəkləyir. Göz üçün zərərli olan titrəmələri minimuma endirilir. 10 bit rəng və P3 rəng qamutu dəstəyi mövcuddur. HDR formatında görüntülərin göstərilməsi Huawei tərəfindən inkişaf etdirilən HDR Vivid formatı ilə gücləndirilib.
Nəhayət Sony IMX800 kamera sensoru Honor 70 Pro və Honor 70 Pro+ modelləri ilə birlikdə həyatımıza daxil olur. 1/1.49 düym ölçülü bu sensorun təsvir ölçüsü 54MP (F/1.9) olub, hər bir pikseli 1µm ölçüsündədir. Honor bu smarfonlara 3 qat optik yaxınlaşdırma edə bilən OIS ilə gücləndirilmiş 8MP (F/2.4) təsvir ölçülü telefoto kamerası qoymaqdan çəkinməyib. 50MP (F/2.2) ultra-geniş bucaqlı kamerası eyni zamanda makro kamera rejimində istifadə oluna bilər. Mühəndislərin makro kamera üçün dördüncü bir kamera qoymaq yerinə ultra-geniş bucaqlı kameranın bacarıqlarını təkmilləşdirməsi yüksək qiymətləndirilməlidir. Selfi kamerası də olduqca keyfiyyətli olmalıdır ki, 4K video qeydə alma imkanı tanıyır, üstəlik EIS dəstəyi vardır. Baxış bucağı 100° olmaqla qalmayıb, HONOR Image Engine alqoritmlərinin də təchiz edilməsi ilə birlikdə arxa tərəflə eyni vaxtda ön kameradan görüntü qeydə almağınıza imkan verir. Təəssüf ki, arxa və ön kameraların neçə FPS video qeyd etdiyi rəsmi şəkildə bildirilmir. Əgər ön tərəf [email protected] çəkirsə, ümid edirik bir aşağı variantda [email protected] vide qeydlər almaq mümkündür. Elədirsə, bu smartfonlar üçün layiqli rəqib hazırlamaq digər brendlər üçün xeyli çətin olacaq. Çünki, performans və qiymət barədə hələ danışmağa indi başlayırıq.
Honor 70 Pro+ modeli öz gücünü Dimensity 9000 çipsetindən alır. Bir çox halda Snapdragon 8 Gen 1 çipsetini belə üstələyən Dimensity 9000, bu seriyanı bundan sonra üst seqmentdə də təmsil edir. Honor 70 Pro modeli isə Dimensity 8000 çipseti ilə təchiz edilib və yerdə qalan bütün xüsusiyyətləri, görünüşü, çəkisi, ölçüləri ilə birlikdə Pro+ ilə eynidir.
4500mAh batareyası 100W sürətli doldurma dəstəkləyirlər. HONOR Histen səs sistemi ilə gücləndirilmiş stereo tipi səs ucaldanlara sahibdirlər. Android 12 üzərində Magic UI 6.1 ilə qutudan çıxırlar və bildiyiniz kimi Google Servisləri mövcud olacaq (Çin variantı istisna). Çindəki variantında quSmartfonların qiymətinə gəldikdə, bu özəlliklərə görə Honor 70 Pro+ modelinin xüsusilə 700 dolların altında olması əladır. Ümid edirik qlobal bazara çıxsa qiymətləri bənzər səviyyələrdə saxlanılar.
Honor 70 Pro
- 8-256GB 3699¥ (555$)
- 12-256GB 3999¥ (600$)
- 12-512GB 4399¥ (660$)
Honor 70 Pro+
- 8-256GB 4299¥ (645$)
- 12-256GB 4599¥ (690$)
Seriyanın ən zəif bəndi hansı xüsusiyyətlər malikdir?
Honor 70 modeli digər 2 modeldən fərqlənən bir çox detala malikdir. İlk dəyişiklik özünü xaricdən göstərir. Kamera modulu 2 adaya bölünüb. Gövdəsi nisbətən daha nazik, yüngül və kiçikdir. Ekranı yalnız sağ və sol kənarlardan qıvrıma sahibdir.
6.67 düym FHD+ təsvir ölçülü OLED tipi ekran paneli ilə təchiz edilib. 120Hz görüntü yeniləmə tezliyi vəd edir. Honor bu smartfonda da titrəmələri minimuma endirmək üçün 1920Hz tezlikli PWM texnalogiyasından istifadə edib. 10 bit rəng, P3 rəng qamutu kimi detallar vardır. Əslinə qalsa texniki cəhətdən bu ekran paneli tamamilə üst modellərdəki ilə eynidir. Sadəcə kənar çərçivələri və xaricdən qıvrımları biraz fərqlidir. İstifadəyə qalsa, heç bir müxtəliflik görə bilməzsiniz.
Hətta əsas kamerası belə üst modellərlə eynidir. Hansı ki, 54MP (F/1.9) təsvir ölçülü Sony IMX800 sensorundan söhbət gedir. Həm ultra geniş-bucaqlı, həm makro kamerası olan 50MP (F/2.2) sensor da yenə üst modellərlə eynidir, lakin telefoto kamerası bu modeldə yoxdur. Əvəzində 2MP dərinlik sensoru quraşdırılıb. Selfi kamerası da zəiflədilərək 32MP təsvir ölçülü başqa sensorla dəyişdirilib. Bu kamera maksimum 1080P keyfiyyətdə video qeydlər ala bilər.
Honor 70 modeli Snapdragon 778G+ çipsetindən güc almaqdadır. 4800mAh batareyası 66W sürətli doldurma dəstəkləyir. Stereo səs ucaldanlar bu cihazda quraşdırılmayıb. Smartfonun qiymətinə gəldikdə:
Honor 70
- 8-256GB 2699¥ (405$)
- 12-256GB 2999¥ (450$)
- 12-512GB 3399¥ (510$)
