Qısamüddətli yeniləmələrə görə tənqid edilən Android ekosistemi, son illərdə Apple-ın uzunmüddətli yeniləmə modelinə yaxınlaşmağa başlayıb. Keçən il Google və Samsung 7 illik yeniləmə proqramına keçdikdən sonra Honor da bu proqrama qoşulacağını açıqlayıb.
Samsung və Google bir müddətdir ki, smartfonları üçün uzunmüddətli yeniləmə dəstəyi təklif etsələr də, OnePlus, Oppo və Honor kimi markalar hələ tam olaraq bu modelə keçməyiblər. Bununla belə, Google və Samsung-un yeni yeniləmə siyasətləri digər Android istehsalçılarını da oxşar addımlar atmağa təşviq edib. 2020-ci ildə Huawei-yə qarşı başladılan sanksiyalara görə şirkətdən ayrılaraq müstəqillik qazanan Honor, bir müddətdir Android ekosistemində önəmli adlardan biri kimi tanınır. Son illərdə bir çox uğurlu smartfon təqdim edən şirkət yeni yeniləmə siyasətini rəsmi olaraq açıqlayıb. Huawei-dən ayrılan Honor, son illərdə Asiya və Avropa bazarlarında yüksəliş göstərib.
Bir çox qiymət aralığında smartfon istehsal edən şirkətin bu günə qədər dəqiq bir Android yeniləmə planı yox idi. Bununla belə, şirkət MWC 2025 tədbirindən əvvəl “Alpha Plan” adlı yeni strategiya və yeniləmə siyasətini açıqlayıb. Bu plana əsasən, Honor 7 il ərzində yüksək səviyyəli smartfonları və qatlana bilən cihazlarına əməliyyat sistemi və təhlükəsizlik yeniləmələri təqdim edəcək. Proqrama daxil olan cihazlar ilkin olaraq hər ay yeniləmələr alacaqlar. Sonrakı dövrdə bu yeniləmələr üç aydan bir dərc olunacaq. Honor-un yeni yeniləmə proqramı ilk olaraq Avropa Birliyi bazarında Magic 7 Pro modeli ilə başlayacaq. Bununla belə, gələcəkdə bu proqrama digər yuxarı seqment qurğularının da daxil edilməsi planlaşdırılır. Bütün bunlara əlavə olaraq, Honor, Alpha Plan proqramı çərçivəsində süni intellektə əsaslanan yenilikləri cihazlarına gətirəcəyini də açıqlayıb.
