Hindistan, Qərbi Benqaldan olan bir cütlük Instagram-da keyfiyyətli Reels videoları yaratmaq üçün körpəsini iPhone 14 almaq üçün satıbmış. Belə ki, 2016-cı ildə bu hadisə ilə bənzər formada Çində bir cütlüyün iPhone almaq üçün yeni doğulan körpələrini satması səs gətirmişdi. Son 7 ildə yenə asiya bölgəsində bu hadisə təkrar yaşanır. Polis oğlanın anası Sati, eləcə də alıcı olduğu iddia edilən Priyanka adlı adamı həbs edib. Lakin ata Caidev məsuliyyətdən qaça bilib.
![hindistan iphone 14](https://tedroid.com/media/2023/07/instagram-iphone-14-reels-hindistan-1024x768.jpg)
Cütlüyün qəribə davranışını və körpəsinin qəfil yoxa çıxmasını görən qonşular polisə xəbər veriblər. Keçmişdə maddi çətinlikləri olan valideynlərin 100 min rupidən çox qiymətə Hindistan üçün xeyli baha iPhone 14-ə sahib olduğunu görən qonşuların şübhələri daha da artıb.
Bu hadisə, bir valideynin hətta uşağından imtina etməsinə səbəb ola biləcək texnologiya ambisiyasını nümayiş etdirir. Qeyri-qanuni satışı etiraf edən ana, qazandıqları gəliri Benqal ətrafında gəzərək Instagram üçün Reels videoları yaratmaq üçün istifadə etdiyini bildirib. Atanın yeddi yaşlı qızını da bənzər məqsəd üçün satmağa çalışdığı barədə iddialar var. Hindistanın hüquq mühafizə orqanları hal-hazırda uşağın atasının axtarışını davam etdirir.
Hindistanda ailənin yoxsulluq qarşısında çarəsiz qalaraq övladlarını satmağa çalışması ilk dəfə deyil, ancaq uşağın həyatının smartfona dəyişdirilməsi kökündən qoparılmış mənəvi dəyərlərin acı reallığını ortaya qoyur.