Samsung brendinin maraqla gözlənilən yeni flaqmanı Galaxy S25 Ultra modelinin render görüntüləri və videosu ortaya çıxıb. Belə ki, yeni görüntülər smartfonun kamera dizaynı barədə bəzi dəyişikliklərdən xəbər verir.
Bu yaxınlarda Samsung-un flaqman telefonu Galaxy S25 Ultra-nın dizaynı ortaya çıxmışdı. Küncləri yuvarlaqlaşdırılmış və düz kənarları olan smartfonun dizaynı ümumi olaraq bəyənilmişdi. Yeni ortaya çıxan render görüntüləri isə smartfonun kamera dizaynını ortaya çıxarıb. X platformasından olan OnLeaks və AndroidHeadlines kimi mənbələrin irəli sürdüyü iddiaya görə smartfonun dizaynı məhz render görüntüdə olduğu kimi olacaq. İlkin baxışda yeni smartfonun kamera dizaynının S24 Ultra-ya bənzədiyini deyə bilərik. Lakin, bu dəfə kamera sensorlarının kənarında qara halqa mövcuddur. Eyni zamanda kamera çıxıntısı da bir qədər böyüyüb.
Daha əvvəl açıqlanan məlumata görə, Galaxy S25 Ultra 8,2 mm-lik sələfindən 0,4 mm nazik olacağı ortaya çıxarılmışdı. Ekran ölçüsünün 6,9 düymədək artmasına baxmayaraq, daha incə çərçivələr sayəsində S24 Ultra-dan bir qədər kiçik ölçülərə sahib olacaq. Snapdragon 8 Gen 4 çipsetinin, 12 GB/16 GB RAM, 1 TB-a qədər yaddaş və 45 Vt sürətli şarj dəstəyi ilə 5000 mAh batareyanın flaqman smartfonun xüsusiyyətləri arasında yer alması da gözlənilir. Kamera tərəfində isə 200 MP əsas arxa kamera, 50 MP ultra geniş kamera, iki 50 MP telefoto kamera və 12 MP selfi kamerası olacağı deyilir. Android 15 əsaslı One UI 7.1 ilə qutudan çıxacaq S25 Ultra, daha güclü süni intellekt xüsusiyyətlərinə, yeni istifadəçi interfeysinə və yeni animasiyalara sahib olacaq. Yeni Galaxy S25 Ultra modelinin render görüntülərindəki dizayna sahib olub-olmayacağı isə gələn il əvvəlində baş tutacaq Galaxy Unpacked tədbirində məlum olacaq.
