Galaxy A seriyasının yeni modellərini təqdim etməyə başlayan Samsung indi yeni Galaxy A55 modelini də təqdim etməyə hazırlaşır. Məhz bu modeldə istifadə olunacaq və Snapdragon 7s Gen 2 çipsetindən daha performanslı Exynos 1480 sınaqdan keçirildi. Belə ki, yeni Galaxy A55 modellərində istifadə olunacaq çipsetin Geekbench nəticəsi ortaya çıxıb. Ümumiyyətlə Samsung yeni Galaxy A15 və Galaxy A25 smartfonları ilə seriyasına yeni modellər əlavə etməyə başlamışdı. İndi isə cənubi koreya mərkəzli texnologiya nəhəngi Galaxy A55 üzərində işlərini davam etdirir.
Şirkətin ən populyar orta səviyyəli smartfonu olması gözlənilən Galaxy 55 modelinə güc verəcək yeni Exynos 1480 sınaqdan keçirildi. Aparılan Geekbench sınaqlarında isə Exynos 1480 tək nüvəli testində 1180, çoxnüvəli testində isə 3536 bal toplayıb. Qeyd edək ki, ötən il Galaxy A54 modelində istifadə edilən Exynos 1380 eyni testdə 1108 və 2797 bal toplaya bilib. S5E8845 kod adlı yeni çipset isə 2,75 GHz-də işləyən 4 performans nüvəsinə və 2,05 GHz-də işləyən 4 səmərəli nüvəyə malikdir.
Bundan əlavə olaraq Exynos 1480 çipseti RDNA2 əsaslı Xclipse 530 qrafik vahidinə sahib olacaq. Ortaya çıxan sızmalara görə, Galaxy A55 son illərin ən diqqət çəkən orta səviyyəli Samsung smartfonlarından biri olacaq. Metal korpusu, nazik çərçivələri və suya davamlı arxitekturası smartfonun orta seqmentdə liderlik etməsinə imkan verəcək. Hələlik isə cihazın qiyməti və ya texniki xüsusiyyətləri barədə məlumatlar elan edilməyib.
