Saatları ilə dünyada məşhurlaşmağı bacaran Casio brendi bu dəfə saat şəklində ağıllı üzük təqdim edib. Belə ki, Casio şirkətin 50 illik yubileyi üçün ekranlı və saat şəklində bir üzük təqdim edib.
Qeyd edək ki, Casio tərəfindən təqdim edilən saat şəklində ağıllı üzük CRW-001-1JR olaraq adlandırılıb. Təqdim edilən üzüyün diametri təxminən bir düymdür, lakin bu, onun cari vaxtı göstərən tam işıqlı LCD displeyini nümayiş etdirməsinə mane olmur. Ağıllı üzükdə tarix və ya vaxtı fərqli saat qurşağında göstərmək, saniyəölçən və taymer arasında keçid etməyə imkan verən üç funksiya düyməsi var.
Bundan əlavə, qeyri adi dizayna sahib olan ağıllı üzük həyəcan funksiyasına sahibdir, hansı ki, bu funksiya sadəcə üzükdəki ekranı yandırıb-söndürür. Casio ağıllı üzük modeli, şirkətdən verilən məlumata görə, iki il fasiləsiz işləməyə kifayət edən və lazım gəldikdə dəyişdirilə bilən batareya ilə təchiz edilib. Maraqlısı budur ki, üzüyün suya davamlı olduğu da bildirilir. Tək ölçüdə təklif olunan CRW-001-1JR böyük ölçülü barmaqlar üçün uyğun deyil. İlk dəfə olaraq Yaponiya bazarında satılacaq bu cihazın qiyməti isə 19800 Yapon yeni və ya 128 dollar olaraq açıqlanıb.
