Bildiyimiz kimi, Apple brendi təqdim etdiyi cihazları köhnə və klassik cihazlar olaraq fərqləndirir. İndi isə Apple köhnə və klassik məhsulları siyahısını yeniləyərək iPhone XS Max modelini klassik məhsul siyahısına əlavə edib. Maraqlısı budur ki, bir dövrün əfsanəsi hesab edilən bu smartfon klassik elan edilərkən texnologiya nəhəngi bir sıra Apple Watch modelini bütün dünyada satışdan çıxarıb.
Xatırladaq ki, Apple iPhone XS Max ilə birlikdə iPhone 6s Plus modelini də bütün dünyada klassik və ya vintage olaraq qəbul edilən siyahıya əlavə etmişdi. Apple, 5 ildən uzun, 7 ildən qısa bir müddət əvvəl satışı sona çatan məhsulları bu kateqoriyaya əlavə edir. Bu cihazlar üçün Apple və Apple Səlahiyyətli Xidmət Provayderləri, ehtiyat hissələri mövcud olduqda təmir xidmətləri təklif edirlər. Bununla yanaşı Apple Watch Series 2 alüminium və paslanmayan polad modeli artıq bütün dünyada satışdan çıxarılan məhsullar arasındadır.
Lakin, keramika korpuslu Apple Watch 2 modeli hələ siyahıya daxil edilməyib. Apple, 7 ildən uzun bir müddət əvvəl satışları başa çatan məhsullarını köhnəlmiş və ya obsolete məhsullar siyahısına daxil edir. Apple və onun səlahiyyətli xidmət təminatçıları bu siyahıya əlavə edilmiş cihazlara heç bir dəstək göstərmir. Yeganə istisna isə MacBook modellərindədir ki, burada satışa təqdim edildiyi son tarixdən 10 ilə qədər batareyalar dəyişdirilir. Beləliklə, klassik və köhnəlmiş məhsullar siyahısı yenilənərək aşağıdakı kimi olub:
Klassik məhsullar
- iPhone XS Max
- iPhone 6s Plus
Köhnəlmiş məhsullar
- Apple Watch Series 2, Alüminium (2-ci nəsil), 38 mm
- Apple Watch Series 2, Alüminium (2-ci nəsil), 42 mm
- Apple Watch Series 2, Paslanmayan Polad (2-ci nəsil), 38 mm
- Apple Watch Series 2, Paslanmayan Polad (2-ci nəsil), 42 mm
