Microsoft və NASA 100 petabaytdan çox Yer məlumatını hər kəs üçün başa düşülən edəcək yeni süni intellekt hazırlayır. Bütün suallar üçün Earth Copilot-a müraciət etmək kifayət edəcək.
Bildiyiniz kimi, süni intellektlə dəstəklənən çatbotlar, xüsusilə ChatGPT dünyada böyük şöhrətə sahib olmağı bacarıb. Hətta süni intellektli çatbotdan sonra bu sahəyə olan investisiyalar sürətlə artmağa başlamışdı. İndi Microsoft NASA ilə əməkdaşlıq çərçivəsində “Earth Copilot” adlı süni intellekt çatbotu hazırlanır. Hal-hazırda NASA tərəfindən toplanan məlumatların təhlili, adətən elm adamları və ya təcrübə tələb edən bir prosesdir. Microsoft Copilot üzərində qurulan Earth Copilot, 100 petabaytdan çox Yer məlumatı üzərində təlim keçəcək və geniş məlumatları hər kəs tərəfindən başa düşülən cavablara çevirəcək.
Ən sadə formada deyə bilərik ki, bu, mürəkkəb informasiyaya çıxışı asanlaşdıracaq. Pis xəbər odur ki, Earth Copilot əvvəlcə NASA alimləri və tədqiqatçıları ilə məhdudlaşacaq. Bununla belə, gələcəkdə NASA-nın Məlumatların vizuallaşdırılması, kəşfi və təhlili (VEDA) platformasına inteqrasiya planlaşdırılır. Beləliklə, bu çatbot qısa müddət sonra hər kəs üçün əlçatan olacaq. Məsələn, “İan qasırğasının Sanibel adasına təsiri necə oldu?” ” və ya “COVID-19 pandemiyası hava keyfiyyətinə necə təsir etdi?” kimi suallara bu sistem vasitəsilə asanlıqla cavab vermək olar. NASA-nın yüksək səviyyəli şəxslərindən biri Tayler Bryson bildirib ki, “Əksəriyyət üçün məlumat tapmaq və çıxarmaq texniki interfeyslərdə naviqasiya, məlumat formatlarını başa düşmək və geoməkan analizinin incəliklərinə yiyələnmək tələb edir. Süni intellekt, bu müddət asanlaşdıraraq Dünyadakı bütün məlumat datasından məlumat əldə etmək vaxtını bir neçə saniyəyə qədər azalda bilər”.
