Apple Watch Ultra 3-ün iPhone-larda gördüyümüz peyk bağlantısı ilə mesaj göndərmə xüsusiyyəti ilə gələcəyi iddia edilib. Beləliklə, Apple məşhur peyk bağlantısı əsaslı mesajlaşma və ya əlaqə qurmaq imkanını ağıllı saatları üçün də əlçatan etmək niyyətindədir.
Apple, 2022-ci ildə təqdim etdiyi iPhone 14 modelləri ilə cihazlarına həyat xilas edən yeni xüsussiyət əlavə etmişdi. “Peyk vasitəsilə Fövqəladə SOS” adlandırdığımız bu xüsusiyyət, hətta mobil və Wi-Fi bağlantısı olmayan yerlərdə də peyk vasitəsilə təcili xidmətlərə mesaj göndərməyi mümkün etmişdi. Bu isə fövqəladə hallarda həqiqətən insanların həyatını xilas edə biləcəyini göstərirdi. Peyk əlaqə xüsusiyyəti ilə iPhone 14-dən sonra iPhone 15 və 16 seriyalarında da rastlaşdıq. Ancaq bu günə qədər heç bir Apple Watch modelində peyk bağlantısına rast gələ bilməmişik.
Bloomberg-dən Mark Gurmanın sözlərinə görə, bu vəziyyət tezliklə dəyişəcək. Gurmana görə, Apple gələn il təqdim etməyi planlaşdırdığı Watch Ultra 3 modelinə peyk bağlantısı vasitəsilə mesaj xüsusiyyətini əlavə etməyi planlaşdırır. Bu isə o deməkdir ki, cihaz iPhone kimi peyk şəbəkələrinə qoşula və mesaj göndərə biləcək. Peyk bağlantısı ilk dəfə ortaya çıxanda yalnız təcili xidmətlərə mesaj göndərmək təklif olunurdu. Bununla belə, iOS 18 ilə hər kəsə mesaj göndərmək mümkün olub. Apple Watch-a peyk mesajlaşma funksiyasının əlavə edilməsi real həyatda çox xilasedici ola bilər. Saatın daim qolda olduğunu nəzərə alsaq telefona daxil olmağın asan olmadığı istənilən fövqəladə vəziyyətdə sizə tez mesaj göndərmək imkanı təklif edə bilər.
