Bloomberg-dən olan Mark Gurmanın sözlərinə görə, tezliklə təqdim olunacaq iOS 18 sisteminin süni intellekt xüsusiyyətlərindən istifadə etmək üçün ən azı iPhone 15 tələb oluna bilər. Qeyd edək ki, Apple iyunun 10-da WWDC developer konfransını başladacaq. WWDC çərçivəsində keçirilən ilk təqdimatda isə iOS 18 başda olmaqla yeni əməliyyat sistemi versiyalarını görəcəyik. Beləliklə, şirkət iOS 18 ilə iPhone-lara süni intellekt xüsusiyyətləri gətirəcək.
iOS 18 elanı səbirsizliklə gözləndikcə, son vaxtlarda yeni məlumatlar və ya sızıntılar ortaya çıxır. Yeni ortaya çıxan məlumat isə sizi biraz ruhdan sala və əhvalınızı korlaya bilər. Belə ki, Apple haqqında dəqiq sızıntıları və iddiaları ilə tanıdığımız Mark Gurman bir çox iOS 18 süni intellekt funksiyası üçün ən azı iPhone 15 Pro tələb olunacağını bildirib. Beləliklə, yeni süni intellekt funksiyaları hər iPhone modelində işləməyəcək.
Gurmanın iddiasına görə, iPhone-lara gələcək və bulud əvəzinə birbaşa cihazda işləyəcək süni intellekt xüsusiyyətlərinin əksəriyyəti üçün Apple şirkətinin flaqman modelləri tələb olunacaq. Bu, iPhone 15 Pro və Pro Max-ın minimum tələb ola biləcəyini ortaya çıxarır. Başqa sözlə, funksiyaların optimal işləməsi üçün iPhone 15 Pro və gələcək daha yüksək modellər tələb oluna bilər. Digər bir səbəb kimi isə biz süni intellekt xüsusiyyətlərinin buludda deyil cihazda birbaşa işləməsini misal göstərə bilərik. Belə ki, süni intellekt birbaşa cihaz daxilinə inteqrasiya ediləcəyi üçün olduqca yüksək güc tələb edə bilər. Məlum olduğu kimi, hazırda ən yaxşı prosessorlu iPhone modelləri A17 Pro çipli iPhone 15 Pro və iPhone 15 Pro Max-dır. Standart iPhone 15 və Plus-da A16 var. eyd etməliyik ki, A17 həm CPU, həm də GPU tərəflərində daha sürətlidir. O, həmçinin saniyədə 35 trilyon əməliyyat yerinə yetirə bilən 16 nüvəli Neural Engine ilə də təchiz olunub.
