Apple brendi ötən gün yeni iPhone 16, 16 Plus, 16 Pro və 16 Pro Max modellərini bizlərə təqdim edib. Beləlikə, gəlin görək yeni cihazlar sələflərindən nə ilə fərqlənir. Apple, təşkil etdiyi “It’s Glowtime” tədbiri çərçivəsində həmçinin yeni Apple Watch 10 və Airpods 4 modellərini də həvəskarlarına təqdim edib.
Apple iPhone 16 və iPhone 16 Plus ilə bəzi dizayn dəyişiklikləri, o cümlədən yeni Capture Button gətirir. Belə ki, dizayn tərəfində bizi indi daha fərqli kamera dizaynı qarşılayır. Apple bir neçə il əvvəl X modellərində istifadə etdiyi dizayna bəzi təkmilləşdirmələr edərək iPhone 16 seriyasından istifadə edib. Bundan əlavə, keçən il iPhone 15 Pro modellərində olan Action Button bu nəsildə iPhone 16 və iPhone 16 Plus modellərinə əlavə edilib. Bundan əlavə, yeni və çox daha güclü A18 çipi ilə Apple Intelligence süni intellekt platforması iPhone 16 modellərinə gəlib. Xatırladaq ki, Apple Intelligence iPhone 15 modelləri üçün əlçatan olmayacaq.
iPhone 16 və 16 Plus-ın sol tərəfindəki səssiz açarı yeni Fəaliyyət Düyməsi ilə əvəz edilib. Səs artırma və azaltma düymələri eyni yerdə, bu yeni düymənin altında yerləşir. Cihazların sağ tərəfinə keçdiyimiz zaman bu il ilk dəfə gələn Capture Button (Kamera İdarəetmə) düyməsini görürük. Yeni düymələrdən başqa iPhone 16 modellərinin ekran gövdə nisbətində və ölçülərində nəzərəçarpacaq dəyişiklik yoxdur. Əvvəlki illərdə olduğu kimi Apple yeni iPhone-larını beş fərqli rəng variantında təqdim edir. Bu kontekstdə iPhone 16 Plus və iPhone 16-nın rəngləri aşağıdakı kimi olacaq: Mavi, Çəhrayı, Ağ, Qara və Yaşıl. Bu il Apple iPhone 16 və iPhone 16 Plus üçün sarı rəng seçimindən imtina edib və onu ağ rəng ilə əvəzləyib.
Kamera tərəfində bu il iPhone 16 və iPhone 16 Plus kameralarında heç bir texniki dəyişiklik edilməyib. Belə ki, bizi yenidən 48 MP əsas kamera, 12 MP Ultra Geniş kamera qarşılayır. Smartfonlar ənənəvi olarq ön tərəfdə 12MP selfie kameralarına da sahib olub. Kameralar Dolby Vision HDR ilə 4k60 video çəkə bilir. Telefoto kamera ilə 2x böyütmə xüsusiyyəti özünü eyni şəkildə saxlayır. A18 çipi isə A16 Bionic-dən 30 faiz az enerji sərf edir. Habelə, batareya tərəfində Apple olduqca “iddialı”dır. 4006 mAs batareya həcminə sahib olan cihazlar WiFi 7 texnologiyasına sahibdir. Qiymət tərəfində isə iPhone 16 və iPhone 16 Plus modelləri müvafiq olaraq 799 və 899 dollar qiymət etiketinə sahibdir.
iPhone 16 Pro və Pro Max hansı xüsusiyyətlərə sahibdir?
iPhone 16 seriyasının ən çox gözlənilən eləcə də ən çox təkmilləşdirmə əldə edən modelləri də məhz iPhone 16 Pro və Pro Max modelləridir. Ən böyük ekranlı və indiyə qədərki ən güclü iPhone 16 Pro Max-in qiyməti və xüsusiyyətləri artıq elan edilib.
iPhone 16 Pro seriyası əvvəlki nəsillə müqayisədə dizaynda böyük dəyişikliklər gətirmir. 16 Pro modelləri titan dizaynını qoruyarkən daha incə çərçivələrə malik daha böyük ekrana malik olub. 6,9 düymlük iPhone 16 Pro Max və 6,3 düymlük iPhone 16 Pro Apple A18 Pro prosessoru, daha böyük tutumlu batareya həcmi ilə təchiz edilib. Beləliklə, iPhone 16 Pro və 16 Pro Max ilə Apple beş ildir saxladığı 6,1 düym və 6,7 düymlük standartı pozur. Bu il iPhone 16 Pro seriyası həmişəkindən daha böyükdür. Standart iPhone 16 və 16 Plus sələfləri ilə eyni ölçüdə olsa da, 16 Pro və 16 Pro Max daha böyük ekranlara malikdir. iPhone 16 Pro Max, Apple-ın indiyə qədərki ən böyük ekranlı telefonudur. Amma bu smartfon daha böyük ekran ilə yanaşı indi daha incə çərçivəyə də sahib olub. Belə ki, keçən il Apple iPhone 15 Pro seriyası ilə çərçivələri təxminən 3,5 mm-dən 2 mm-dən aşağı endirsə də, indi bu göstərici 1.5 mm olub. Bu, iPhone 16 Pro-nu dünyanın ən nazik çərçivəli smartfonu edir.
iPhone 16 Pro Max və 16 Pro əvvəlki nəsil kimi eyni (48MP) əsas kamera ilə təchiz edilib, lakin ultra geniş kamera 12MP-dən 48MP-ə qədər təkmilləşdirilib. Bu o deməkdir ki, kamera əksər çəkiliş vəziyyətlərində, xüsusən də az işıqlı mühitlərdə daha yaxşı nəticələr verəcək. Şəkillər həmçinin daha çox təfərrüat və təkmilləşdirilmiş rəng təqdim edəcək, dəqiqləşdirilmiş qətnamə redaktə və sonrakı emalda əlavə rahatlıq təmin edəcək. İndi iPhone 16 Pro ilk dəfə 120 fps 4K video çəkə biləcək. Batareya tərəfində bizi bu il daha böyük batareya həcmi qarşılayır. iPhone 16 Pro 3577 mAs, Pro Max isə 4676 mAs batareya həcminə sahib olub. Apple-ın təşkil etdiyi tədbirdə iPhone 16 nə vaxt təqdim olunacaq? sualına da cavab olaraq bildirib ki, iPhone 16 seriyası 13 Setyabrdan sifarişlərə açıq olacaq. Habelə, bütün mağazalarda cihaz 20 Sentyabrdan satılacaq.
