Beləliklə, Apple şirkəti 3 aylıq beta test mərhələsindən sonra nəhayət istifadəçilərinə iOS 18.1 yenilənməsini təqdim edib. Qeyd edək ki, yenilənmə iPhone 15 Pro və iPhone 16 seriyası üçün ilkin Apple Intelligence xüsusiyyətlərini də əlçatan edir. Bununla belə, ölkəmizdə yeni təqdim edilən Apple Intelligence xüsusiyyətləri əlçatan deyil.
Apple şirkətinin iOS 18.1 yeniləməsinə iPhone 16 modelləri üçün Kamera Nəzarəti təkmilləşdirmələri, məkan fotoşəkilləri çəkmək və telefon zənglərini qeyd etmək imkanı, digər funksiyalar, xətaların aradan qaldırılması və təhlükəsizlik yeniləmələri daxildir. Şirkət 3 aylıq beta mərhələsində istifadəçilərin qarşılaşdığı bir çox problemi aradan qaldırıb. Belə ki, iOS 18.1 yenilənməsi ilə düzəldilmiş xətalar aşağıdakılardır:’
- Zəng qeydləri canlı telefon zənglərini və ya audio FaceTime zənglərini yazmağa imkan verir.
- Artıq Kamera Nəzarəti asanlıqla ön TrueDepth kamerasına keçə bilir
- İdarəetmə Mərkəzi fərdi əlaqə nəzarətlərini əlavə etməyə və konfiqurasiyanı sıfırlamağa imkan verən yeni seçimləri ehtiva edir
- Cihaz isindikdə 4K, 60 fps rejimdə qeydə alınan videonun irəliləməsi zamanı yaranan donma problemləri
- iPhone 16 və ya iPhone 16 Pro modellərinin gözlənilmədən yenidən başlamasına səbəb olan problemləri
Podkastlarda oynanılmamış epizodların oxunmuş kimi qeyd edilməsinə səbəb olan problemləri
Beləliklə, Apple yuxarıdakı yenilənmələrdən əlavə olaraq da bir sıra kiçik təkmilləşdirmələr edib. Lakin, yuxarıda qeyd edilənlər 3 aylıq sınaq müddət zamanı istifadəçilərin ən çox qarşılaşdığı problemlər idi. Hələlik, Apple Intelligence xüsusiyyətlərinin sadəcə bir qismi təqdim edilsə də, yaxın müddətdə Apple bu funksiyaların sayını artıracaq.
