iOS və Android arasındakı gərginlik, bəzən gözlənilməyən yerlərdə qarşılıqlı şəkildə bir-birinə təsir edir. Lakin bu rəqabət bəzən daha qatı formada növbəti səviyyəyə keçə bilir. ABŞ Ədliyyə Departamentinin (DOJ) davam edən Google antiinhisar işi ilə bağlı açıqladığı sənədlərə görə, Apple Google-u məxfilik siyasəti ilə bağlı yüksək səviyyədə qınayır və Android-i öz daxilində “kütləvi izləmə cihazı” adlandırır.
Daxili Apple təqdimatında aşkar edilən məlumat, şirkətin istehlakçıları cəlb etmək üçün işlədilir. Onları Google-dan iOS-a keçməyə təşviq etməkdə Google-un məxfilik problemlərindən necə istifadə etdiyini vurğulayır. Apple-ın Android-i nəhəng bir izləmə cihazı kimi təsvir etdiyi təqdimat “Məxfilikdə Rəqabət” adlanır. Google-u məxfilik və təhlükəsizlik mövzusunda tənqid edən Apple, təqdimatında öz siyasətlərinin Google-dan daha yaxşı olduğunu izah edir.
Daxili sənədlər Apple-ın rəqiblərinin məxfilik problemlərindən necə öyrəndiyini və iOS cihazlarının məxfilik aspektinə böyük sərmayə qoyduğunu da ortaya qoyur. Hansı ki, sənədlərdə rəqiblərin bu barədə necə təhlil edildiyi kimi verilənlərə toxunulur. Təbii ki, istər Android, istərsə də iOS olsun, bütün mobil cihazlar sizi bu və ya digər şəkildə izləyir. Apple iOS 14.5-də reklam və oxşar məqsədlər üçün sistemin izləmə icazəsi təqdim etməklə məxfilik məsələsini biraz daha gücləndirdi. Bu, iPhone-da izləmə hallarının böyük azalmasına səbəb oldu. Lakin yenə də heç bir şirkətin özlüyündə nə dərəcədə məxfilik siyasətinə siyasətə uyğun şəkildə davrandığını anlaya bilmərik.
