Google Pixel smartfon və planşetləri üçün yeni Android 15 yenilənməsi təqdim edilib. Beləliklə, Android 15 yenilənməsini alan ilk smartfonlar yenidən Pixel seriyasından olub.
Əməliyyat sistemi ilk dəfə keçən ay Android Açıq Mənbə Layihəsi vasitəsilə buraxılan Android 15 indi Pixel və ya digər digər smartfonlar üçün buraxılıb. Qeyd edək ki, Android 15-in ən mühüm yeni xüsusiyyətlərindən biri, başqalarının smartfonunuzda görməsini istəmədiyiniz tətbiqləri gizlətməyə imkan verən Şəxsi Məkan funksiyasıdır. Google-a görə, şəxsi nəkana yerləşdirdiyiniz proqramlar son tətbiqlər, bildirişlər və ya parametrlərinizdə görünməyəcək. Bundan əlavə, Android 15 istifadəçilərə tapşırıqlar panelini qatlana bilən cihazlarda və planşetlərdə bərkitməyə imkan verir və tətbiqlər arasında keçidi asanlaşdırır.
Əməliyyat sisteminə gələn yeniliklər sayəsində tapşırıqlar panelindən ekranda bölünmüş proqramlara cüt-cüt daxil olmaq və ya onları iş masasına nişanlar kimi əlavə etmək mümkün olur. Android 15-ə gələn bir digər maraqlı funksiyalardan biri də Oğurluğun Aşkarlanması Kilidi adlı funksiyadır. Hansı ki, bu funksiya adından da göründüyü kimi smartfonun oğurlandığını süni intellektin köməyi ilə aşkar edir və onu avtomatik olaraq kilidləyir. Google həmçinin başqa bir Android smartfonu, telefon nömrəniz və sadə təhlükəsizlik yoxlamasından istifadə edərək smartfonunuzu kilidləməyə imkan verən Uzaqdan Kilid adlı funksiyaya da yer verib. Hələlik, Android 15 yenilənməsi alan Pixel smartfon və planşetləri yan-yana gətirməklə media və fayl ötürmə xüsusiyyəti əldə etməsə də, yaxın həftələrdə bu funksiyanın istifadəyə veriləcəyi açıqlanıb.
