Yəqin ki, hər bizimiz OpenAI şirkətinə məxsus olan ChatGPT barədə eşitmişik. Lakin biz ChatGPT botunun maliyyə tərəfi barədə heç bir məlumata sahib deyilik. Sizcə milyonlarla aktiv istifadəçisi olan ChatGPT botunun gündəlik xərcləri nə qədərdir? SEMİANALYSİS tədqiqat şirkətinin baş analitiki olan Dylan Patel bu barədə araşdırma edib. Araşdırma nəticəsində məlum olub ki, milyonlarla istifadəçisi olan ChatGPT botunun gündəlik xərcləri 700 min dollar civarında ola bilər. Bu qədər böyük vəsaitin tələb olunması əslində heç də təəccüblü deyil. Çünki, süni intellekt və bahalı texnoloji infrasukturun yaxşı tərəfləri olsa da, onu maliyələşdirmək heç də asan deyil.
![ChatGPT xərcləri](https://tedroid.com/media/2023/04/chatgpt-xercleri-2-1024x588.jpg)
Qeyd edək ki, OpenAI şirkəti ChatGPT botunun fəaliyyət göstərməsi üçün minlərlə server platforması və qrafik prosessorundan istifadə edir. Daha dəqiq dəsk ChatGPT sistemi özünə NVIDIA şirkətinin 3617 ədəd HGX A1000 adlı server platformasını, həmin platformalar daxilində isə 28936 ədəd qrafik prosessoru birləşdirirlər. Dylan Patel onu da qeyd edib ki, araşdırma zamanı yalnız GPT-3 modelinə əsaslanan ChatGPT xərcləri hesablanıb. Yəni GPT-4 modelinə keçid OpenAI şirkəti üçün daha çox vəsait ehtiyacı yaradacaq.
![ChatGPT xərcləri](https://tedroid.com/media/2023/04/chatgpt-xercleri-1.webp)
Hal-hazırda ChatGPT botuna göndərilən hər bir sorğunun dəyəri 0.36$ dəyərindədir. Lakin GPT-4 modelində bu qiymət daha da arta bilər. Çünki, GPT-4 daha çox enerji, qrafik prosessoru və server platformasına ehtiyac duyur. Qeyd edək ki, Microsoft şirkəti ChatGPT xərcləri barədə düşünür. Belə ki, şirkət süni intellekt sistemi ilə fəaliyyət göstərməsi üçün yeni prosessorlar hazırlamağa çalışır. Bu prosessorlar NVIDIA şirkətinin texnologiyasını əvəz edərək, xərcləri aşağı sala bilər.