Ötən günlərdə YouTube platformasının reklam bloklayıcıları aşkar edərsə deaktiv olacağını xəbər vermişdik. Artıq YouTube reklam bloklayıcılardan istifadə edənləri narahat edərək onlara xəbərdarlıq etməyə başlayıb. Ümumiyyətlə YouTube yeni metod ilə qeyri-qanuni üsullar ilə reklamsız video izləyənlərin qarşısını almağa çalışır. Bildiyimiz kimi məşhur platformanın gəlirlərinin əsas hissəsi məhz reklamlar vasitəsi ilə əldə edilir. Hətta reklamları izləmək istəməyən istifadəçilər üçün YouTube Premium təklif olunur. Burada isə istifadəçilər aylıq müəyyən vəsait ödəyərək Premium hesab abunəçisinə çevrilirlər. Lakin bəzi istifadəçilər bu tələblərə əməl etmədiyi halda YouTube onların video izləməsini qadağan edir.
Beləliklə Google, YouTube platformasında reklam bloklayıcılardan istifadə edilməsinə qarşı tədbirlər görməyə davam edir. Texnologiya nəhəngi istifadəçilərin reklam bloklayıcılardan istifadə edib-etmədiyini diqqətlə nəzərdən keçirir. Məşhur platforma isə aşkar olunan istifadəçilərə Premium abunəlik təklif edir və ya onlara xəbərdarlıq edir. Bir reddit istifadəçisi bildirir ki, reklam bloklayıcıdan istifadə edərək platformada 3 video izləyib. Daha sonra isə YouTube istifadəçiyə xəbərdarlıq edərək videoların deaktiv ediləcəyini bildirib. Bu isə şirkətin bu məsələdə son dərəcə aqressiv və ciddi olduğunu bir daha sübut edir.
Hələlik Google sadəcə kiçik auditoriya üçün yeni metodu sınaqdan keçirməyə başlasa da, görünən odur ki, yeni metod əlverişlidir. Qeyd edək ki, YouTube şirkətinin yeni baş icraçı direktoru Neil Mohan, keçən ay platforma üçün böyük açıqlamalar vermişdi. O bildirmişdi ki, yaxın gələcəkdə platformaya süni intellekt alətləri də əlavə ediləcək. Beləliklə isə platforma video bloqerlər və izləyicilər üçün tamamilə fərqli məkana çevriləcək. Məhz bu səbəbdən də şirkət reklamsız video izləyənlərin qarşısını almaqda qətiyyətlidir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
