Dünyanın ən böyük video platforması olan YouTube, Chrome brauzerindən başqa bütün digər brauzerlərdə 5 saniyəlik gecikmə tətbiq edir. Belə ki, FireFox, Edge kimi məşhur brauzerlərdən istifadə edənlər vəziyyətdən narahatdır. Bir çox istifadəçinin verdiyi məlumata görə YouTube bir çox brauzerdə məhdudiyyətlər tətbiq edir. Maraqlısı budur ki, Chrome brauzerində hələlik heçbir məhdudiyyət müşahidə olunmur. Qeyd edək ki, istifadəçilərin bəziləri bunu antiinhisar qanunlarının pozulması, bəziləri isə Google-un reklamlara qarşı sərt addımları kimi qiymətləndirir.
Bildiyimiz kimi, YouTube ötən aylarda reklamlar barədə yeni qərar vermişdi. Belə ki, reklam bloklayıcıdan istifadə edənlər tədricən platformadan istifadə edə bilmirdi. İstifadəçilər bu addımın da məhz bu qərar ilə əlaqəli olduğunu düşünür. Lakin istifadəçilər bildirir ki, eyni videonu Firefox və Google Chrome vasitəsi ilə platformada açdıqda Chrome brauzerində yüklənmə sürətinin bariz daha tez olduğunu müşahidə edə bilərik. Diqqətləri çəkən bir digər məqam isə Google şirkətin hazırda məhkəmədə ittiham olunmasıdır. Hətta texnoologiya nəhəngi antiinhisan qanunlarının pozulmasına görə ittiham olur.
Qeyd edək ki, Brave, Opera GX kimi brauzerlərdə də eyni problem meydana gəlir. Bir tərəfdən isə Google Chrome istifadəçiləri də YouTube platformasında yüklənmə sürətinin açıq-aşkar azaldığını bildirir. Hətta onlara görə bu Google şirkətin qısa müddət əvvəl reklam bloklayıcılara qarşı başlatdığı mübarizə ilə əlaqəlidir. Başqa bir istifadəçi isə YouTube-un saytında videoya başlamazdan əvvəl beş saniyə gecikdirən skriptdən istifadə etdiyini göstərən kod tapdığını iddia edir. Hələlik isə nə Google, nə də YouTube vəziyyətə münasibət bildirməyib.
