YouTube bu dəfə dediyini etdi. Belə ki, daha əvvəl YouTube istifadəçilərə reklam bloklayıcılardan istifadə etməmək barədə xəbərdarlıq etmişdi. İndi isə YouTube bütün dünyada AdBlock qadağasını tətbiq edərək, reklam bloklayıcılardan istifadə edənləri bloklayır. YouTube PR meneceri Christopher Lawton bəyanatında bildirib ki, platforma istifdaçiləri reklam bloklayıcılardan imtina etməyə təşəbbüs etmək üçün bu yola əl atıb. Artıq reklam bloklayıcılar vasitəsi ilə platformadan istifadə edənlər qadağalar ilə üzləşmək məcburiyyətində qalacaq.
Qeyd edək ki, YouTube artıq bütün dünyada AdBlock qadağasını tətbiq edərək istifadəçilərə bildirişlər göndərir. Reklam bloklayıcıdan istifadə edənlər artıq reklam bloklayıcının deaktiv edilməsi ilə bağlı bildiriş alır. O cümlədən istifadəçilər deyiləni etmədikdə platformada heç bir videonu izləyə bilmir. Daha əvvəl bu qadağa sadəcə ABŞ-dan olan istifadəçilər üçün tətbiq edilsə də, indi qlobal miqyasda tətbiq olunur. Görünən odur ki, YouTube premium abunəçilərinin sayını artırmaq istəyir. Bundan əlavə YouTube bu il reklam modelində bir neçə dəyişiklik etmişdi.
Bunlardan biri də məhz may ayında qəbul olunan TV-də 30 saniyəlik reklamlar ilə bağlıdır. Belə ki, platformada sınaqdan keçirilən bu reklam üsulu artıq digər cihazlara da tətbiq edilə bilər. Təbii kİ, bu addımlar istifadəçiləri ödənişli abunəlik proqramına cəlb etmək üçün nəzərdə tutulub. Maraqlısı budur ki, YouTube premium qiyməti də ABŞ-da 2 dollar artırılıb. O cümlədən Avropalı istifadəçilər üçün nəzərdə tutulan daha ucuz YouTube Premium Lite paketi artıq ləğv olunub.
