Xiaomi-nin özünün inkişaf etdirdiyi 3nm prosessoru artıq istehsal xəttini tərk edib. Beləliklə, ilk istehsalı tamamlanan bu prosessor Xiaominin gələcəkdə mobil bazarda daha müstəqil olmasına səbəb ola bilər.
Ümumiyyətlə, Çin mərkəzi Xiaomi brendi artıq bir neçə müddətdir ki, öz prosessorunu istehsal etməklə mobil bazarda daha müstəqil olmaq niyyətində idi. Hətta analitiklər, Snapdragon 8 Gen 1-ə bənzər bir həllin 2025-ci ildə görünə biləcəyini ifadə etmişdi. İndi isə Xiaomi şirkətinin özünün inkişaf etdirdiyi 3 nm smartfon prosessoru üçün istehsal mərhələsini keçib. Xatırladaq ki, Xiaomi-nin çipset inkişaf səyahəti təxminən yeddi il əvvəl təqdim etdiyi Surge S1 ilə başlamışdı və hazırda davam edir. Bu çərçivədə, hazırlıqlar davam edərkən, şirkətin ilk 3nm prosessorunun müvəffəqiyyətlə istehsal xəttindən çıxdığı paylaşılıb.
Qeyd edək ki, istehsal xəttindən çıxış və ya off-lent hər hansı bir inteqral sxemin kütləvi istehsala göndərilmədən əvvəl dizayn prosesinin son mərhələsinə aiddir. Hələlik yeni prosessorun CPU klasteri, GPU və ARM dizaynlarının istifadəsi haqqında məlumat yoxdur. Bununla belə, bu, şirkət üçün yeni bir mərhələdir və Xiaomi-nin qarşısında müxtəlif maneələr ola bilər. Məsələn, Huawei kimi şirkətlərə ABŞ-ın ticarət sanksiyaları səbəbindən TSMC və ya Samsung ilə əməkdaşlıq etmək qadağan edilib. Beləliklə, əgər Xiaomi 3nm çipset istehsal etmək statusuna nail olsa, bu, Huawei daxil olmaqla, digər Çin firmalarına potensial olaraq üstünlük verə bilər. 3 nm texnologiyası daha kiçik ölçülü tranzistorlardan istifadə etməklə daha yüksək performans təklif edir, eyni zamanda enerji istehlakını azaldır. Xüsusilə bu yenilik bir müddətdir ki, 7nm texnologiyasında ilişib qalan Huawei şirkətinə də təsir edə bilər.
