Bildiyimiz kimi, Microsoft şirkəti Windows 11 əməliyyat sistemini təqdim etdikdən sonra əsas diqqətini də ora yönəltdi. Daha sonra uğursun əməliyyat sisteminə istifadəçilərin keçid etmədiyini görən şirkət Windows 10 istifadəçiləri üçün məhdudiyyətlər təqdim etməyə başlamışdı. Hətta keçən ay verilən açıqlamaya görə şirkət Windows 10 əməliyyat sisteminə dəstəyini 14 oktyabr 2025-ci ildə dayandıracaq. Lakin indi məlum olub ki, Microsoft ilk dəfə olaraq Windows 10 istifadəçilərinə ödənişli təhlükəsizlik dəstəyi verməyi düşünür.
Ümumiyyətlə texnologiya nəhənginin Windows 11 sistemi uğursuzluqla nəticələnmiş hesab olunur. Hətta Microsoft hazırda Windows 12 üzərində işləyir. Maraqlısı budur ki, şirkət tarixdə ilk dəfə olaraq keçmiş əməliyyat sistemindən istifadə edənlərə təhlükəsizlik dəstəyi göstərəcək. Burada əsas məqsədin pul qazanmaq və ya istifadəçilərin təhlükəsizliyini təmin etmək ola bilər. 14 oktyabr 2025-ci ilə qədər Windows 10 istifadəçiləri heçbir pul ödəmədən məlumatlarını qorumuş ola biləcəklər. Lakin həmin tarixdən sonra Windows 10 istifadəçiləri ödənişli yenilənmə dəstəyindən istifadə etməsə hesabları təhlükə altında olacaq.
Microsoft bu mövzu ilə bağlı bildirib ki, “Biz sizə Windows 11-ə keçməyi şiddətlə tövsiyə etsək də, Windows 10 cihazlarınızı yeniləməyinizə mane ola biləcək bəzi vəziyyətlərin ola biləcəyini bilirik”. Məhz bu səbəbdən də şirkət yenilənmə dəstəyini ödənişli əsaslarda davam etdirəcəyini bildirib. Onu da qeyd edək ki, Windows 12 çox böyük ehtimalla 2024-cü ildə istifadəçilərə alternativ olaraq təqdim ediləcək. Bununla isə vəziyyət biraz daha dəyişə bilər.
