Sahib olduğu zəifliklər səbəbi ilə kibercinayətkarların hücumunə məruz qala biləcəyi düşünülən Tp-Link barədə ABŞ Müdafiə və Ticarət Nazirlikləri tərəfindən araşdırma başladılıb. Belə ki, dünyanın dörd bir yanında məşhur olan, TP-Link ABŞ-da qeyd etdiyimiz səbəblərə görə qadağan oluna bilər.
Bidliyimiz kimi, ABŞ hökumətinin Çin şirkətlərinə qarşı tətbiq etdiyi embarqo dalğasında, xüsusilə Huawei-dən başlayaraq, SMIC və DJI kimi mühüm adlar qara siyahıya salınıb. Habelə, ABŞ hələ də, Çin nəhənglərini qara siyahıya almağa davam edir. Digər Çinli qlobal brend olan TP-Link də qadağalardan öz payını almağa çox yaxındır. “Reuters” və “Wall Street Journal” kimi mühüm nəşrlərin verdiyi məlumata görə, ABŞ səlahiyyətliləri milli təhlükəsizlik baxımından TP-Link brendinin məhsullarını qadağan etməyi planlaşdırır.
Əslində məsələ avqust ayından başlayan araşdırmadan gedir. Rəsmilər TP-Link routerlərinin ABŞ-a qarşı kiberhücumda istifadə oluna biləcəyi ehtimalı ilə əlaqədar Bayden hökumətinə məktub göndərib. Daha sonra araşdırmalara başlanılıb. Bildirilir ki, TP-Link routerlərində aşkar edilmiş boşluqlar səbəbindən təhlükəsizlik narahatlığı yaranıb. ABŞ mənbələri bildirirlər ki, məhkəmədə ən tez gələn il ölkədə TP-Link məhsullarının satışına qadağa qoyulmasını tələb edilir. Hələlik isə şirkətin ABŞ-da qadağan olub-olmayacağı ilə bağlı dəqiq qərar verilməyib.
