Tesla brendinin çox danışılan robotaxi modeli təqdim edildikdən sonra investorları heyran edə bilməyib və şirkətin səhmləri 10% ucuzlaşıb. Beləliklə, şirkət investorlardan istədiyi reaksiyanı görə bilməyib.
Təqdimatdan dərhal sonra şirkətin səhmləri ucuzlaşmağa başlayıb. UBS və Wells Fargo analitikləri tədbirin daha çox təfərrüata ehtiyacı olduğunu və məhsulların digər şirkətlərin oxşar məhsulalrını təhdid etmədiyini bildiriblər. Robotaxi tədbirindən əvvəl 240 dollara satılan Tesla səhmləri tədbirdən sonra 10% ucuzlaşaraq 219 dollara düşüb. Qeyd edək ki, tədbirdə Elon Musk özünün Cybercab adlı tam avtonom taksisini, həmçinin 20 nəfəri daşıya bilən avtonom mikroavtobus Robovanını təqdim edib. 2026-cı ildə xidmətə başlaması planlaşdırılan robotaksinin qiyməti 30.000 dollardan aşağı olacaq və Muskın iddiasına görə, bu robotaxi hər mil başına 20 sent xidmət haqqı hesablayacaq. Lakin analitiklər deyirlər ki, şirkət bu məqsədlərə necə nail olmağı planlaşdırdığına dair çox az detal paylaşıb.
Rəqiblərindən fərqli olaraq, Tesla avtonom idarəetmə üçün daha ucuz, kamera əsaslı texnologiyasına əsaslanır. Waymo kimi rəqiblərindən fərqli olaraq, o, LiDAR sensorundan istifadə etmir. Bu yolla avtonom avtomobillərini rəqiblərindən daha sürətli yaymağı hədəfləyir. Bununla belə, ekspertlər bildirirlər ki, Tesla-nın süni intellekt tərəfindən dəstəklənən avtonom idarəetmə texnologiyası qəza və ya nasazlığın səbəbini müəyyən edə bilmir, ona görə də tənzimləyici orqanlardan icazə almaqda problemlər yarana bilər. Həmçinin Waymo kimi şirkətlərin artıq sistemlərdən istifadə etdiyi, Tesla-nın isə xərcə görə buna üstünlük vermədiyi bildirilir. Goldman Sachs Tesla-nın Optimus humanoid robotu ilə çox güclü tərəqqisindən və Cybercab-ın ümumi estetikasından heyran olsa da, o, digərləri kimi, tam avtonom sürücülük və robotaksi üçün təfərrüatlı biznes planının olmadığını qeyd edib.
