Elon Musk Tesla brendinin digər avtomobil istehsalçıları ilə ortaqlığının şarj stansiyası şəbəkələri və avadanlıq layihələri ilə məhdudlaşmayacağını bildirib. Belə ki, Elon Musk öz proqram təminatını başqa avtomobil istehsalçılarına təklif edərək Tesla brendinin elektromobil dünyasının “Android”-i etmək istəyir. Qeyd edək ki, milyarder bütün dünyada elektromobillərin yayılmasının sürətləndirilməsinə istiqamətlənmiş bir neçə vacib bəyanat verib. Bəyanatda Tesla texnologiyalarını digər şirkətlər ilə bölüşməyə hazır olduğunu bildirib.
Ümumiyyətlə Tesla brendi açıq qaynaqlı əməliyyat sistemi olması ilə fərqlənən “Android” kimi öz proqram təminatını daha detallı səviyyədə yayımlayaraq digər istehsalçılara təklif edə bilər. Hətta texnologiya nəhənginin artıq Ford şirkəti ilə razılaşdığı da bildirilir. Belə ki, Ford elektromobillərinin sahibləri Tesla-nın ABŞ və Kanadada yerləşən 12 000-ə yaxın Tesla Superchargers şarj stansiyalarından istifadə edə biləcəklər. Bundan əlavə 2025-ci ildən etibarən Ford yeni elektromobillərini Tesla brendinin şarj girişi ilə təchiz edəcək.
Qeyd edək ki, Elon Musk Tesla brendini elektromobil dünyasının “Android”-i etmək üçün gələcəkdə daha böyük əməkdaşlıqlar etməyə hazırlaşır. Xüsusilə yenilənə bilən proqram təminatı yaratmağın çox çətin bildirən olduğunu Elon Musk, bu addımı ilə bütün potansiyel elektromobillərin “beyninə” çevrilmək niyyətindədir. Yəni şirkət yalnız Ford ilə razılaşdığı Tesla Superchargers layihəsi ilə yetinməyəcək. Öz proqram təminatı daha çox şirkətə təklif edəcək. Hətta yaxın gələcəkdə bu barədə razılıqlar da əldə edilə bilər. Bundan əlavə Tesla elektromobilləri avtomobil bazarını ələ keçirir. Belə ki, bu ilin birinci rübündə ən çox satılan avtomobil məhz Tesla Model Y olub.
