Starlink bu dəfə smartfonlar üçün internet təmin edəcək. Belə ki, Elon Musk-ın baş direktoru olduğu SpaceX şirkətinin peyk internet xidməti Starlink bu gün açıqlama edib. Açıqlamaya görə Starlink Direct to Cell adlı xüsusiyyət ilə smartfonlara peyk internet xidmətini gətirəcək. Beləliklə çox yaxında bir çox smartfon istifadəçisinin başına gələn telefonun siqnalı yoxdur problemi də sona çatacaq. Directo to Cell xidməti peyk vasitəsi ilə smartfonların siqnalını da gücləndirəcək.
Maraqlısı budur ki, Starlink şirkətinin yeni peyk internet xidməti artıq smartfonların, quruda, suda və hündürlükdə rabitə siqnalına qoşulu olmasına kömək edəcək. Bununla da, smartfonların siqnal problemi də ortadan qalxmış olacaq. Əslində e-SIM texnologiyası da eyni strategiyaya əsaslanır. Lakin Starlink-in yeni Direct to call xidməti smartfonların rabitə siqnalını daha da təkmilləşdirəcək. Starlink bildirir ki, “Direct to Cell, səmanı görə bildiyiniz hər yerdə bütün LTE telefonları ilə işləyir”. O cümlədən bu xidmətdən istifadə edə bilmək üçün heçbir proqram təminatı və ya xüsusi proqram tələb olunmur.
Direct to Cell xidməti ilkin olaraq yalnız 2024-cü ildə mesajlaşma xidmətləri ilə məhdudlaşacaq. 2025-ci ildə isə sistemə səs və məlumat funksionallığı, həmçinin IoT cihazlarına dəstək əlavə olunacaq. “Tesla avtomobilləri və smartfonları Starlink internetindən istifadə edəcək” deyən Elon Musk, sürətin başlanğıcda çox yüksək olmayacağını əlavə etmişdi. Xidmət yerüstü standartlara görə nisbətən yavaş olacaq, sürətin saniyədə 2 ilə 4 meqabit arasında olacağı təxmin edilir. Ancaq bu xidmətin əsas üstünlüyü istənilən yerdə əlçatan olmasıdır. Qeyd edək ki, ölkəmizdə də, yaxında Starlink peyk internet xidmətindən istifadə etmək mümkün olacaq. Belə ki, Starlink xəritəsinə baxsaq ölkəmizin gələcək planlar arasında olduğunun şahidi olarıq.
