Tianfeng International analitiki Ming-Chi Kuo bildirib ki, smartfon istehsalçıları mobil cihazlara tələbatın zəif olması səbəbindən həddindən artıq çox məhsulun olması vəziyyəti ilə üz-üzə qalıblar və bu da əsl problemə çevrilib. Bütün Android markaları zəif tələb səbəbindən yüksək stok riski altındadır və bu, artıq bir marka üçün deyil, bütün istehsalçılar üçün problemdir. Bu da smartfonların qiymətləri kəskin ucuzlaşacaq deyə biləcəyimiz bir vəziyyət yaratmış olur.
Analitik Ming-Chi Kuo hesab edir ki, bu, təklifin əhəmiyyətli dərəcədə azalmasına gətirib çıxaracaq və həm də satıcıların səhmlərinin qiymətinə mənfi təsir göstərəcək. Bu, istehsalçıları “qiymət müharibəsi” elan etməyə məcbur edəcək və müştərilərin marağını artırmaq üçün bazarda smartfon qiymətlərinin aşağı düşməsinə səbəb yaradacaq. “İstifadəçilər smartfonları gözlədiklərindən daha sərfəli qiymətlərlə ala biləcəklər” deyə Tianfeng International analitiki Ming-Chi Kuo qeyd edib.
Stokda qalma probleminin önümüzdəki 6-9 ayda daha qabarıq olacağı gözlənilsə də, eyni vəziyyət yeni model sifarişlərində azalmanın qeydə alındığı iPhone modelləri üçün də təsirli olacağı ifadə edilir. Bundan əvvəl, tədarük zəncirindən gələn xəbərlər də göstərir ki, Apple bu ilin ilk rübündə tələbin azalması səbəbindən iPhone 14 seriyası üçün istehsal ədədlərini mərhələli şəkildə azaldır. Mümkün endirimlərin ölkəmizdə satılan smartfon modellərinə necə təsir edəcəyi və ya təsir edəcəksə, nə qədər ucuzlaşa biləcəyi sirr olaraq qalır. Ona görə də, ölkəmiz üçün smartfonların qiymətləri kəskin ucuzlaşacaq və ya ucuzlaşmayacaq deyə bilmərik. Lakin smartfon almağa tələsmirsinizsə, gözləməkdə fayda var.
