Ekran dedikdə ilk ağla gələn brend olan Samsung öz TV-lərində Çin istehsalı ekranlar işlətməyə başlayıb. Belə ki, texnologiya nəhənginin Samsung Display şirkəti televizorlar üçün LCD ekranların istehsalını dayandırdıqdan bəri Samsung Çinli təchizatçılara müraciət edib. Hətta koreyalı nəhəng istehsal etdiyi televizorların 60%-də Çinli istehsalçıların LCD ekranlarından istifadə edib.
Xatırladaq ki, Samsung Display şirkəti ötən ildən bəri televizorlar üçün LCD ekranların istehsalını dayandırmışdı. Məhz bu qərardan sonra Samsung öz televizorlarında Çin istehsalı ekranlar istifadə etməyə başlamışdı. Maraqlısı budur ki, Koreyalı nəhəng nə qədər diversifikasiya (müxtəlif təchizatçılardan ekran paneli almaq) etməyə çalışsa da, böyük həcmdə ekran panellərini Çinli təchizatçılardan əldə edib.
Ümumiyyətlə Samsung brendi QD-OLED kimi texnologiyalara diqqət ayırıb. Lakin televizorların əksəriyyəti LCD panellərdən istifadə edir. Məhz bu səbəbdən də koreyalı brend LCD ekran panellərini fərqli istehsalçılardan təmin edir. The Elec mənbəsinin hesabatına görə koreyalı brend 2023-cü ildə yalnız Çinin TCL CSoT şirkətindən təchiz etdiyi ekran panelləri ilə 26% televizorunu istehsal edib. Qeyd edək ki, TCL istehsalı olan ekran panelləri Sony və digər tenologiya nəhəngləri tərəfindən də istifadə olunur. Bundan əlavə Samsung ekran panellərinin 21%-i HKC, 11%-i BOE şirkətindən tədarük edir. Beləliklə 60% ekran paneli məhz Çinli brendlər tərəfindən təmin edilir. Həmçinin Samsung Electronics şirkəti bu il televizorları üçün 38 milyon LCD panel almağı planlaşdırır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
