Cənubi koreya mərkəzli Samsung və ABŞ mərkəzli Google şirkətləri bu dəfə tamamilə fərqli layihə üçün əməkdaşlıq edib. Belə ki, Samsung və Google bu dəfə Dolby Atmos rəqibi IAMF texnologiyasını təqdim edib. Ümumiyyətlə Dolb Atmos texnologiyası artıq hərkəsə məlumdur. Hətta bu texnologiya bir çox cihazlardan tutmuş, kinoteatrlərə qədər istifadə olunur və həyatımızda qarşımıza çıxır. İndi isə texnologiya nəhəngləri bu vəziyyəti dəyişmək istəyir. Məhz bu məqsəd ilə də onlar yeni IAMF adlı texnologiyanı təqdim ediblər.
Beləliklə Samsung və Google şirkətlərinin əməkdaşlıqları IAMF texnologiyası ilə möhkəmlənib. Qeyd edək ki, Immersive Audio Model and Formats və ya IAMF adlanan bu texnologiya gələcək üçün çox perspektivlidir. Daha aydın desək, bu texnologiya 3D məkan səslərini təşkil edir. Maraqlısı budur ki, bu yeni səs texnologiyası “Amazon, AMD, Arm, Apple, Google, Huawei, Intel, LG, Meta, Microsoft, Netflix, Nvidia, OPPO, Snap, Tencent, Vivo” kimi müxtəlig şirkətlərdən ibarət AOM tərəfindən mənimsənilib. Məhz bu çərçivədə yeni texnologiya çox yaxında həryerdə qarşımıza çıxacaq.
Hazırda bir çox şirkət Dolby Atmos və Dolby Vision üçün lisans istifadə haqqı ödəmək məcburiyyətində qalır. Lakin yeni IAMF texnologiyası bu məcburiyyəti aradan qaldıracaq. Elə bu texnologiyanın bu qədər məşhurlaşmasının səbəbi də budur. Artıq bir çox cihazda Dolby Atmos əvəzinə IAMF-dən istifadə olunacaq. İlk mərhələdə bu texnologiya Dolby Atmos kimi üfüqi və şaquli səs ötürə biləcək. Lakin getdikcə təmilləşəcək bu texnologiya hələ bəzi məhdudiyyətlərə sahibdir.
