Samsung şirkətinin yeni nəsil qrafik kartlar üçün hazırladığı GDDR7 yaddaş texnologiyası əhəmiyyətli sürət artımı təmin edəcək. Belə ki, yeni GDDR7 yaddaş texnologiyasının sələfi GDDR6X-dən 54% daha sürətli olduğu ortaya çıxıb. Qeyd edək ki, texnologiya nəhəngi gələn ay yeni nəsil qrafik kartları üçün 37 Gbit/s-ə qədər sürətə malik yeni nəsil GDDR7 yaddaş modullarını təqdim etməyi planlaşdırır.
Cənubi Koreya nəhəngi Samsung gələn ay San-Fransisko şəhərində keçiriləcək 2024 IEEE Beynəlxalq Solid-State Circuit Konfransında yeni GDDR7 yaddaş texnologiyası ilə qarşımızda olacaq. Samsung konfrans çərçivəsində 16 Gb 37 Gb/s GDDR7 DRAM modullarını təqdim edəcək. Ümumiyyətlə 37 Gbps DRAM sürəti olduqca təsiredicidir, çünki şirkətin ən son təqdim etdiyi GDDR6X sadəcə 24 Gbps sürət təmin edirdi. İndi isə yeni yaddaş texnologiyası ilə sürət nə az, nə çox 54% artıb. Cəmi bir neçə ay əvvəl Samsung, GDDR7 yaddaşı ilə 36 Gbps daxili sürət əldə etdiklərini bildirmişdi. Belə ki, bu qədər yüksək sürətlərin gələcək nəsil oyun və süni intellekt GPU-ları üçün kifayət qədər yetərli olacağı da bildirilmişdi.
Samsung bildirib ki, “Yeni yaddaş texnologiyasının yeni nəsil qrafik kartlarda istifadə olunması üçün kütləvi istehsala hazır olacağından şübhə edirik”. Lakin yenə də, bu yaddaş texnologiyası ilə təchiz edilmiş flaqman qrafik kartlar çox yaxında qarşımızda ola bilər. Yeni GDDR7 yaddaşı həmçinin 20 faiz daha yüksək səmərəlilik təklif edəcək ki, bu da yüksək səviyyəli GPU-ların böyük miqdarda enerji istehlak etdiyini nəzərə alsaq, bu yaxşı haldır.
