Xiaomi Azərbaycanda çoxdan gözlənilən Redmi Note 12 seriyasının satışına başladığını elan etdi. Populyar seriyaya iki heyrətamiz cihaz daxildir: Redmi Note 12 və Redmi Note 12 Pro+.
Redmi Note 11 seriyasının inanılmaz uğuruna əsaslanaraq, Redmi Note 12 seriyası istifadəçilər üçün daha vacib olan təkmilləşdirilmiş funksiyalarını yenidən təqdim edir. Bu təkmilləşdirmələrə kamera sistemi, batareyanın iş müddəti, şarj sürəti və rahat dizayn daxildir və bütün bunlar ənənəvi olaraq cəlbedici qiymətə təklif olunur.
İstifadəçiləri “parlaq həyata” ruhlandıran qabaqcıl funksiyalar
Redmi Note 12 seriyasının əsas qəhrəmanı güclü üçlü kamera sisteminə malik Redmi Note 12 Pro+-dır. Bu cihaz optik stabilləşməyə malik flaqman səviyyəli 200 MP-lik əsas kamera, ultra geniş bucaqlı və makro kamera sayəsində yuxarı və orta qiymət səviyyəsinə malik smartfon seqmentində mobil fotoqrafiyanı başdan yaratmaq üçün nəzərdə tutulub. Güclü süni intellektli proqram alqoritmləri, təsvirin gücləndirilmiş emal sürəti və digər faydalı xüsusiyyətlər kameradan istifadə ilə bağlı ümumi təəssüratları tamamlayır.
Redmi Note 12 Pro+ istifadəçiləri Dolby Vision və Dolby Atmos dəstəyi ilə 120 Hz tezliyə malik heyrətamiz dərəcədə parlaq və canlı Flow AMOLED ekranları ilə sevindirəcək. Çərçivələri kiçiltməyə imkan verən P-OLED panelin çevik dəstəyi ilə birlikdə hər iki cihaz mükəmməl və heyrətamiz vizual təəssürat yaradır.
Smartfon qabaqcıl səviyyəli 120 Vatt HyperCharge şarj sürətinə və hətta intensiv istifadə etdikdə belə uzunmüddətli gündəlik istifadə üçün 5000 mAs tutumlu batareyaya malikdir. Hamar və etibarlı iş yüksək performanslı MediaTek Dimensity 1080 çipseti tərəfindən təmin edilir.
Həmişə təsirli performansdan həzz alın
Seriyanın hər bir modeli öz qiymət seqmentindən gözləntiləri aşacaq. Redmi Note 12 təsirli performans və əyləncə üçün genişləndirilmiş seçimlər təklif edir. Ultra hamar 120 Hz tezlikli AMOLED ekranı dəqiq rəng reproduksiyası ilə heyrətamiz görüntü keyfiyyətinə zəmanət verir. Ən son Snapdragon 685 çipseti ilə əməliyyatlar rahat və problemsiz şəkildə icra olunaraq çoxşaxəli tapşırıqları və yüksək enerji səmərəliliyini təmin edir.
Redmi Note 12 müasir smartfonun bütün üstünlüklərini yaşamaq istəyən alıcılar üçün nəzərdə tutulub. Redmi Note 12 modeli 33 Vatlıq sürətli şarj və uzunmüddətli 5000 mAh (tipik) tutumlu batareya ilə təchiz olunub. Bu o deməkdir ki, istifadəçilər batareyanın bitməsindən narahat olmadan daha çox proqramdan istifadə edə və daha çox şəkil çəkə bilərlər. Buna süni intellektə malik keyfiyyətli üçlü kameranı, heyrətamiz gecə rejimi funksiyasını və bir çox faydalı funksiyaları və filtrləri də əlavə etsək, əvvəllər flaqman telefonlarına xas olan kamera sistemi ilə münasib qiymətə bir cihaz əldə edirsiniz.
Mövcudluq
Azərbaycanda Redmi Note 12 və Redmi Note 12 Pro+ 6 apreldən etibarən satışdadır. Redmi Note 12-nin 4GB + 64GB versiyasının tövsiyə olunan pərakəndə satış qiyməti 439.99 manat, 4GB + 128GB versiyası 459.99 manat, 6GB + 128GB versiyası isə 499.99 manatdır. Redmi Note 12 Pro+ 8GB + 256GB versiyası üçün 999,99 AZN qiymətində olacaq.
