Porsche şirkəti, Leipzig müəssisəsində işlənmiş Porsche Taycan batareyaları ilə işləyən enerji saxlama sistemini təqdim edib. Beləliklə, yeni qurulan sistem ilə istismar müddətini başa vuran batareyalar təkrar istifadə etmək imkanı qazanır.
Müəssisədə qurulan bu sistem 5 MVt gücə və 10 MVt saxlama qabiliyyətinə malikdir. Bundan əlavə, sistem qısa müddət ərzində 20%-ə qədər yüklənmə ilə işləyə bilər. Porsche Taycandan alınan 4400 batareya modulu 4 batareya konteynerinin içərisinə yerləşdirilib. Avtomobillərdəki istismar müddəti bitmiş batareyalar təkrar emal edilməzdən əvvəl stasionar saxlama sistemlərində 10 ilə qədər istifadə edilə bilər. Beləliklə, batareyaların istifadə dəyəri artır və ətraf mühitə təsiri minimuma endirilir.
Porsche Leipzig müəssisəsində yerləşən enerji saxlama sistemi 9,4 MVt-lıq günəş enerjisi sistemi ilə qidalanır. Layihə meneceri Jonathan Dietrich bildirir ki, layihə müəssisənin özünü təmin etməsi üçün vacibdir və digər müəssisələrdə oxşar sistemlər yaratmaq planları mövcuddur. Elektrikli avtomobillər sürətlə yayıldıqca, ömrünü başa vurmuş bir çox batareya gələcəkdə belə sistemlərdə yenidən canlanacaq. Dünyanın bir çox şirkətləri bu cür sistemləri inkişaf etdirməyə başlayıblar. Əslində Çində ikinci əl batareyalar hətta moped və skuter kimi kiçik elektrik maşınlarında da istifadə olunmağa başlayıb.
