Türkiyənin ən çox istifadə olunan ödəniş portalı olan Paymes yeni Event platformasını istifadəyə verib. Ümumiyyətlə istifadəçilərə rahat istifadə, universallıq, məlumat ekranı habelə aşağı komissiya faizi təklif edən platforma ölkəmizdə də aktiv istifadə olunur. Yeni Event xüsusiyyəti Paymes istifadəçilərinə seminar, konsert və online tədbirlərə bilet satmağa və bilet əldə etməyə imkan verəcək. Beləliklə istifadəçilərin tədbir planlaşdırması və bilet əldə etmələri daha da asanlaşacaq.
Tədbirlərin idarə edilməsini və bilet satışlarını asanlaşdırmaq üçün hazırlanan Paymes Event platformasını istifadə etmək üçün ilk öncə Paymes istifadəçisi olmaq lazımdır. Ümumiyyətlə yeni platforma vasitəsi ilə tədbirlərinizi planlaya bilər, biletlərinizi satışa qoya bilər və iştirakçı siyahınızı görə bilərsiniz. Həmçinin burada etibarlı və asan ödəmə seçimləri nəticəsində qazanclarınızı təhlükəsiz şəkildə ala bilər, satışlarınızı sürətli həyata keçirə bilərsiniz. Qeyd etmək lazımdır ki, Paymes Event platforması ödənişlidir. Belə ki, platformanın aylıq ödənişi 59.99 TL, illik isə 479.99 TL təşkil edir.
Yeni platforma Türkiyə və Azərbaycandan əlavə olaraq Misir, Birləşmiş Ərəb Əmirlikləri və Səudiyyə Ərəbistanı üçün də əlçatan olacaq. Paymes şirkətinin baş icraçı direktoru Sabrican Zaim bildirir ki, “Paymes olaraq satıcıların həyatını asanlaşdırmaq və qazanclarını artırmaq üçün çalışdıqları sosial ticarət sahəsində çoxlu tədbir, konsert və seminara bilet satıldığının şahidi olduq” .Paymes bilet satışı, iştirakçıların izlənməsi və digər problemlərin satıcılara böyük zərər vurduğu üçün onlara hər şeyi bir platformadan idarə etmək şansı verir. Beləliklə yeni platforma həm istifadəçilərin həm də satıcıların mənafeyini güdür.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
