Ötən günlərdə gündəm mövzusu olan indi OpenAI CEO-su Sam Altman ilin CEO-su nominasiyası üzrə qalib seçilib. Belə ki, bir çox uğurlara imza atan və ChatGPT çatbotuna rəhbərlik edən Sam Altman Time jurnalı tərəfindən ilin ən yaxşı direktoru seçilib. Qeyd edək ki, Sam bir neçə gün öncə öz vəzifəsini Microsoft şirkətinin səyi nəticəsində geri əldə edə bilmişdi. İndi isə o uğurlarına görə mükafatlandırılıb.
Ümumiyyətlə süni intellekt texnologiyası bu il ərzində ən innovativ yeniliklərdən biri hesab olunur. Məhz süni intellekt texnologiyasının bu qədər inkişaf etməyində isə OpenAI şirkətinin rolu böyükdür. O cümlədən texnologiya nəhənginin ChatGPT süni intellekt çatbotu süni intellekt sahəsinə olan marağı inkişaf etdirmişdir. Bütün bu proseslər və uğurlar da məhz Sam Altmanın rəhbərliyi altında həyata keçirildiyi üçün onun birbaşa uğuru da hesab olunur. Xatırladaq ki, ötən ay OpenAI idarə heyəti Sam Altmanı vəzifəsindən qovmuşdu.
Maraqlısı budur ki, idarə heyəti Sam-i onun liderlik qabiliyyətlərinə inanmadıqları üçün tənqid etmişdilər. Sam şirkətdən ayrıldıqdan sonra isə OpenAI şirkətinin işçilərinin çoxu da istefa vermişdi. Lakin Microsoft işə qarışdıqdan sonra Sam Altman yeni idarə heyəti ilə birlikdə vəzifəsinə qayıtmışdı. İndi Sam Altman Time jurnalında ilin CEO-su mükafatına layiq görülüb. Sam-in gələn illərdə süni intellekt texnologiyasını və süni intellekt sahəsini daha da təkmilləşdirəcəyi və yeni uğurlara imza atacağı gözlənilir.
