NVIDIA ilin ən böyük tədbirlərindən birini təhlükəsizlik səbəbindən ləğv etdi. Belə ki, NVIDIA İsraildə keçirilməsi planlaşdırılan süni intellekt sammitini təhlükəsizlik problemlərinə görə ləğv edib. Bildiyimiz kimi, son günlərdə İsrailə ərazisində münaqişələr baş verir. Məhz bu münaqişələr səbəbində də bəzi tədbirlər o cümlədən NVIDIA tərəfindən təşkil edilən tədbir də ləğv edilib. Xatırladaq ki, texnologiya nəhəngi bu tədbiri ötən ayın sonlarında elan etmişdi.
NVIDIA tərəfindən planlaşdırılan süni intellekt sammiti bu ayın ortalarında baş tutacaqdı. Belə ki, Tədbirin 15-16 oktyabr tarixlərində Təl-Əvivdə NVIDIA-nın baş direktoru Censen Huanqın əsas çıxışı ilə keçirilməsi planlaşdırılırdı. Bununla belə, Fələstin-İsrail münaqişəsinin kəskinləşməsi ilə bağlı son hadisələr fonunda NVIDIA tədbiri ləğv etmək qərarına gəlib. Qeyd edək ki, tədbirin ləğv edilməsinin əsas səbəbi məhz bütün iştirakçıların təhlükəsizliyidir. Hazırda şirkət Süni İntellekt Sammitinin vaxtının dəyişdirilməsinin mümkünlüyü ilə bağlı heç bir məlumat yaymayıb və sammit keçirilə bilməyəcəyi təqdirdə konfransın onlayn formatda keçirilib-keçirilməyəcəyinə aydınlıq gətirməyib.
NVIDIA sammitdə iştirak edənlər bildirb ki, “Təəssüflə bildiririk ki, İsraildəki mövcud vəziyyətlə əlaqədar oktyabrın 15 və 16-na planlaşdırılan AI Sammitini ləğv etmək qərarına gəldik. Zərər çəkmiş hər kəsə dərin hüznlə başsağlığı veririk. İştirakçılarımızın təhlükəsizliyi və rifahı bizim əsas prioritetimizdir və “Biz bunun təhlükəsizliyi təmin etmək üçün ən yaxşı seçim olduğuna inanırıq”. Qeyd edək ki, NVIDIA-nın iki günlük tədbirində 2500-dən çox süni intellekt tərtibatçısı və tədqiqatçısının iştirakı gözlənilirdi.
