MediaTek və Nvidia birgə hazırlanan prosessor barədə yeni iddialar ortaya çıxıb. Belə ki, MediaTek və Nvidia imzalı ilk prosessorların flaqman səviyyəyə fokuslanacağı iddia edilir.
Qeyd edək ki, MediaTek və Nvidia 2025-ci ilin ikinci yarısında Arm əsaslı xüsusi prosessor təqdim etməyə hazırlaşırlar. Yeni iddialara görə, texnologiya nəhəngləri prosessor sənayesinə birbaşa flaqman səviyyəli modellərə fokuslanaraq daxil olacaqlar. Analitiklərə görə, MediaTek və Nvidia şirkətlərinin birgə hazırlayacağı flaqman səviyyəli prosessor çox iddialı ola bilər. Əvvəlki məlumatlara görə, bu prosessor Nvidia-nın təsiri sayəsində çox yüksək süni intellekt performansına və rəqabətdən kənar qrafik emal gücünə sahib olacaq.
Bildirilir ki, Lenovo, Dell, HP və ASUS kimi böyük fərdi kompüter istehsalçıları uzun müddətdir ki, bu əməkdaşlığın ilk məhsulu barədə maraqlanır və izləyirlər. Görünən odur ki, kompüter dünyasında da yeni dövr başlayacaq. Bundan əvvəl, iki şirkət oyun monitoru dünyasında irəliyə doğru yaxşı bir addım atmışdı. Nvidia G-Sync dəstəyi ilə monitorlara xüsusi aparat dəstəyi vermişdi. Bu aparat sayəsində faydalı G-Sync funksiyaları təklif edilirdi, bununla belə, qiymət rəqiblərindən daha üstün idi.
MediaTek və Nvidia ortaqlığı sayəsində bu vəziyyət geridə qalır. Monitorlarına tam G-Sync dəstəyi əlavə etmək istəyən istehsalçılar artıq Nvidia-dan ayrıca G-Sync modulunu almalı olmayacaqlar. Bunun üçün monitor istehsalçısının yalnız Nvidia ilə əməkdaşlıqda istehsal olunan MediaTek imzalı xüsusi çipdən istifadə etməsi kifayət edəcək. Qeyd edək ki, AOC Agon Pro AG276QSG2, Acer Predator XB273U F5 və Asus ROG Swift 360Hz PG27AQN modelləri bu prosessordan istifadə edəcək ilk modellərdəndir. Pulsar və Reflex daxil olmaqla bütün əsas G-Sync xüsusiyyətlərini dəstəkləyən infrastrukturda xüsusi G-Sync çipi olan monitorlarla olmayan monitorlar arasında keyfiyyət baxımından heç bir fərq olmayacaq.
