Nothing-in qurucusu və CEO-su Carl Pei, Canalys analitik firması tərəfindən elan edilən şirkəti üçün təsirli artım rəqəmlərini paylaşıb. PhoneArena-nın məlumatına görə, Nothing smartfon və simsiz qulaqlıq seqmentlərində dünyada ən sürətlə böyüyən brendi adını qazanıb. Xatırladaq ki, Carl Pei OnePlus şirkətinin qurucularından biri olub və daha sonra o, öz şirkətini qurmaq üçün rəhbər vəzifəsindən də ayrılıb. İndi isə sadəcə bir neçə il sonra dünyada ən sürətlə böyüyən smartfon brendinin qurucusu adını qazanıb.
2024-cü ilin ilk yarısında Nothing’s smartfon satışları əvvəlki ilə nisbətən 246 faiz artıb. Bu rəqəm 2024-cü ilin ikinci rübündə nə az nə çox 693 faizə çatıb. Böyük Britaniya, Yaponiya, Səudiyyə Ərəbistanı və Hindistanda ilin birinci yarısında Nothing ən sürətlə böyüyən smartfon brendi olub. Bildirilir ki, Nothing-in smartfon bazarındakı uğuru digərləri arasında Nothing (2), Nothing (2a) və Nothing (2a) Plus kimi modellərin populyarlığı ilə bağlıdır. Simsiz qulaqlıq seqmentində Nothing təsirli nəticələrə sahibdir. 2024-cü ilin ikinci rübündə Nothing Ear və Nothing Ear (a) satışları əvvəlki ilin eyni dövrü ilə müqayisədə 769% artıb.
Nothing, ABŞ, Fransa, İspaniya, Hollandiya və İtaliyada ən sürətlə böyüyən simsiz qulaqlıq markası adını qazanıb və satışlar 2024-cü ilin birinci yarısında illik müqayisədə 331% artıb. Qeyd edək ki, Nothing Technology Limited şirkəti 2020-ci ildə OnePlus-un həmtəsisçisi Carl Pei tərəfindən təsis edilib. Baş ofisi Londonda yerləşən şirkət bir sıra yüksək profilli investorları, o cümlədən Reddit-in baş direktoru Steve Huffman, Twitch-in həmtəsisçisi Kevin Lin kimi tanınmış şəxsləri investoruna çevirib.
