Çoxdandır gözlənilən gün gəlib çatdı. Belə ki, məşhur milyarder Elon Musk-ın Neuralink şirkəti çoxlu maneələri dəf edərək insanlar üzərində sınaqlara başlayır. Xatırladaq ki, şirkət uzunmüddətdir ki, beynəlxalq qurumlardan icazə almağa çalışırdı. Nəhayət ötən aylarda sınaqlara başlamaq üçün təsdiq alan şirkət özünə sınaq üçün insan axtarırdı. Görünən odur kİ, şirkət ehtiyacı olduğu qədər insanı bu layihəyə sınaq olaraq ala bilib. Hətta şirkət rəsmi səhifəsində bildirib ki, artıq insanlar üzərində aparılacaq ilk sınaqlar başlayıb.
Ümumiyyətlə Elon Muskın Neuralink şirkəti əvvəlcə beynə çip, implant yerləşdirmək kimi fərziyyələri gündəmə gətirdi. İnsanlar təbii olaraq bu vəziyyətdən narahat oldular. Lakin sınaqlar nəticəsində məlum oldu ki, vəziyyət elə də qorxulu deyil. Neuralink çipləri ilə insan beyni müasir kompüterlərə bağlanacaq və texnologiya sahəsi yeni səviyyəyə keçid edəcək. Əgər Neuralink şirkəti insanlar üzərində apardığı sınaqlara daha çox fokuslanar və uğur əldə edərsə dünya tamamilə fərqli yer olaaq. Belə ki, insanlar birbaşa olaraq kompüter və robotları beyinləri vasitəsi ilə idarə edə biləcəklər.
Onu da qeyd edək ki, Elon Musk tərəfindən yaradılan Neuralink texnologiyası insan beynini birbaşa olaraq kompüter ilə əlaqələndirməyi hədəfləyir. Bunun üçün isə insan beyninə kiçik implant quraşdırılır. Nəhayət Neuralink texnologiyasının uğurlu olması üçün vacib bir addım atılıb və insanlar üzərində sınaqların aparılmasına icazə verilib. Bununla bağlı Neuralink özü məlumat yayıb. Hətta onlar uzunmüddətdir ki, FDA ilə sıx əməkdaşlıq etdiklərini bildiriblər. Elon Musk ilk sınaqları 2020-ci ildə edəcəyini açıqlasa da, dövlət qurumların zəruri icazələri ala bilməmişdi. Lakin indi bütünü icazələr əldə edilib və sınaqlar başlayıb. Görünən odur ki, gələcəyimiz çox yaxında tamamilə dəyişəcək.
