Apple şirkəti yeni iOS 17.4 yenilənməsi ilə App Store mağazasında Avropa Birliyinə təsir edən əsaslı dəyişikliklər etdi. Belə ki, bundan sonra Meta və Microsoft şirkəti Apple-ın yeni App Store siyasətini rədd etməsi üçün Avropa Birliyinə müraciət edib. Qeyd edək ki, Apple iOS 17.4-də tərtibatçılara tətbiqlərini rəsmi Apple App Store-dan kənarda yaymağa və mağazada qalmaq istədikləri təqdirdə alternativ şərtlərə keçməyə imkan verən dəyişikliklər təqdim etdi. Lakin Apple hər hansı bir tərtibatçının bununla daha çox pul qazanmasını demək olar ki, qeyri-mümkün edən şərtlər tətbiq etdiyi üçün tənqid atəşinə tutulub.
Yeni siyasətə görə Apple, tətbiq mağazasından kənarda edilən satışlardan 27% komissiya alacaq. Bundan əlavə, alternativ proqramlar vasitəsilə öz tətbiqlərini paylayan və həmçinin alternativ ödəniş seçimlərindən istifadə edən tərtibatçılar Apple-a “bir istifadəçi üçün” 0,50 avro rüsum ödəyəcəklər. Bu, bir çox proqramlar, xüsusən də pulsuz olanlar üçün mənasızdır. Meta və Microsoft şirkəti də məhz buna qarşı çıxırlar. Avropa İttifaqı məsələni nəzərdən keçirdikdən sonra Apple-ın yanaşmasının qəbuledilməz olduğuna qərar verərsə, Meta və Microsoft da “effektiv addım atmağa” hazır olduğunu bildirib.
Microsoft bildirir ki, Apple-ın yeni siyasəti yanlış istiqamətdə atılmış addımdır və Apple-ın rəylərə uyğun olaraq şərtləri yenidən qiymətləndirəcəyinə inanır. Mark Zuckerberg, Apple-ın yeni şərtlərinin Meta-ya təsir etməyəcəyini, heç bir tərtibatçının alternativ proqramlar mağazasına girməyəcəyini düşünür və bunun AB qaydalarının məqsədinə zidd olduğunu deyir. Beləliklə Apple üçün kritik tarix 7 Martdır. Financial Times-a görə, Apple yeni şərtlərlə bağlı Avropa Komissiyası ilə aylarla danışıqlar apardı və müəyyən edilmiş şərtlər Apple komandasının yüzlərlə üzvünün on minlərlə saat sərf etməsinin nəticəsidir. İndi Avropa Apple-ın yeni şərtlərinin Rəqəmsal Bazarlar Aktına uyğun olub-olmaması barədə qərar verməlidir 7 mart tarixində isə İOS 17.4 yenilənməsi yayımlandıqda məsələnin nəticəsi məlum olacaq.
