Kriptovalyuta dünyasının və pul bazarlarının xilaskarı kimi görünən ABŞ prezidenti Donald Tramp vəzifəyə gəldiyi gündən təəssüf ki, bazarlarda təlatümlər törədib. Belə ki, Trump zəifləyən iqtisadiyyata əhəmiyyət vermədən böyük ticarət müharibəsi başlatmaqla hər şeyi riskə atıb. Nəticədə isə son dövrlərdə kriptovalyuta və səhm bazarında ümumilikdə 1.75 trilyon dollar zərər qeydə alınıb.
Donald Trumpın faiz dərəcələrini aşağı salmaqla əhəmiyyətli monetar ekspansiyaya başlayacağı gözlənildiyi halda, o, Çin başda olmaqla bir çox ölkələrə əlavə vergilər tətbiq etməyə başlayıb və bu ölkələrin qisasları bazarlara mənfi təsir edib. Amerika xalqının əlavə vergilərdən gələn pullarla zənginləşəcəyini və pulu xərcləyəcək yerlərinin olmayacağını iddia edən Tramp, lazım gələrsə, tənəzzül riskini gözə almağa hazır olduğunu açıqlayıb. İnflyasiyanın əvvəlki səviyyələrə qayıdacağı qorxuları və faiz endirimlərinin 2026-cı ilə qədər təxirə salına biləcəyi ehtimalı investorları hövsədən çıxarır.
Cəmi bir gündə 1,75 trilyon dollar ABŞ bazarlarından silindiyi halda, dünyanın ən dəyərli şirkəti olmaq yarışına girən Nvidia bir ayda yüzdə 30 dəyər itirərək 2,6 trilyon dollarlıq bazar dəyərinə düşüb. Elon Muskın ifrat siyasi davranışından sonra Avropadakı reaksiyalar, avtomobillərin yandırılması və zədələnmiş satış nöqtələri Teslanın qəzaya uğramasına səbəb olub. 1 ayda təxminən 40% dəyər itirən Tesla, 700 milyard dollarlıq bazar dəyərinə düşüb. Kriptovalyuta bazarlarında da vəziyyət fərqli deyil. Artıq enişdə olan bitkoin qiyməti açıqlamalardan sonra 77.500 dollar səviyyəsinin altına düşüb. Ethereum isə 1800 dollardan aşağı düşərək 2022-ci ilin yayındakı səviyyələrinə geri çəkilib. İnsanların əksəriyyəti Trumpın öz siyasətini davam etdirməsi nəticəsində qlobal iqtisadiyyatın böyük böhrana məruz qalacağını düşünür.
