Yəqin ki, bir çoxunuz BlackBerry smartfonlarını xatırlayırsınız. Bu smartfonları xüsusi edən onların sensor və düymə ilə eyni anda idarə edilməsi idi. İndi isə Clicks adlı şirkət iPhone markalı smartfonlarınızı düyməli edəcək yeni telefon örtüyü təqdim edib. Beləliklər əgər BlackBerry telefonlarını bəyənirdinizsə hazırda istifadə etdiyiniz iPhone modellərinizi də ona bənzədə biləcəksiniz. CES 2024 çərçivəsində Böyük Britaniya mərkəzli Clicks Technology adlı şirkət məhz belə bir innovativ aksessuarı təqdim etmək qərarına gəlib.
Ümumiyyətlə uzun müddətdir ki, smartfonlar xüsusilə flaqman smartfonlar fiziki düymələr ilə təchiz edilmir. Lakin indi keçmişə baş çəkmək istəyənlər yeni təqdim edilən telefon örtüyü ilə iPhone modellərini düyməli telefona çevirə biləcək. Maraqlısı budur ki, məhz təqdim edilən yeni örtüyün adı da Clicks yəni düymələrdir. Bu örtük smartfonun ekranına heç bir maneə törətmir. Lakin smartfonunuzun uzunluğu biraz daha artır. Clicks, sahib olduğunuz iPhone modelindən asılı olaraq Lightning və ya USB-C portu vasitəsilə flaqman smartfonunuza qoşulur. Hələlik bu innovativ telefon örtüyü sadəcə fiziki olaraq smartfonunuza bağlanır, yəni Bluetooth bağlantısı mövcud deyil.
:no_upscale():format(webp)/cdn.vox-cdn.com/uploads/chorus_asset/file/25202922/Putting_Clicks_on.gif)
Qeyd edək ki, telefon örtüyü heç də smartfonunuzun şarj olmasına maneə olmur. Hətta Clicks gecə istifadəçilərin daha rahat istifadəsi üçün klaviatura düymələrini də işıqlandırır. Michael Fisher və Kevin Michaluk tərəfindən qurulan Clicks Technology şirkəti fevralın 1-də iPhone 14 Pro ilə uyğun telefon örtüyünü 139 dollar başlanğıc qiyməti ilə təqdim edəcək. Şirkət həmçinin 159 dollar başlanğıc qiyməti ilə təklif ediləcək iPhone 15 Pro Max-a uyğun düyməli telefon örtüyü üçün də sifariş qəbul edir. O cümlədən telefon örtüyü sadəcə 2 fərqli rəngdə BumbleBee və London Sky rənglərində təklif olunur.
