Huawei, Çindəki müştərilər üçün süni intellekt üçün ən yeni çipini göndərməyə başlayıb. Belə ki, Yeni hazırlanmış Ascend 910C süni intellekt çipləri Nvidia-nın H20 çipi ilə rəqabət aparacaq. Bununla da deyə bilərik ki, Huawei brendi süni intellekt tərəfində Nvidia üçün dişli rəqibə çevrilməyə davam edir.
Huawei, süni intellekt üçün nəzərdə tutulmuş ən yeni qrafik prosessoru (GPU) Ascend 910C-nin nümunələrini Çindəki müştərilərinə təqdim etməyə başlayıb. Böyük Çin server şirkətləri və internet şirkətləri bu yeni GPU-nun ilk nümunələrini almağa başlayanda Ascend 910C, sələfi Ascend 910B ilə müqayisədə əhəmiyyətli təkmilləşdirmə kimi təqdim olunur. Bu çiplə Huawei, Nvidia-nın Çində satdığı ən güclü süni intellekt çipi H20 ilə rəqabət aparacaq.
SemiAnalysis-dən Dylan Patel-in proqnozlarına görə, Ascend 910C-nin Nvidia-nın bazara çıxması gözlənilən Blackwell əsaslı B20 modelini üstələyə biləcəyi ifadə edilir. ABŞ-ın Çinə GPU ixracına qoyulan məhdudiyyətlər Nvidia-nın ən güclü GPU-larının qanuni olaraq Çinə çatmasının qarşısını alıb. Bu isə ölkənin süni intellektlə bağlı səylərində əhəmiyyətli bir yavaşlamaya səbəb olub. Bu boşluğu doldurmağı hədəfləyən Huawei, bulud hesablamaları bazarında sürətlə iştirak etmək istəyir.
Ümumiyyətlə, Nvidia-nın Çinə qanuni olaraq sata biləcəyi cari ən sürətli GPU olan H20-nin təxminən bir milyon ədəd satacağı və bu satışların ümumilikdə 12 milyard dollara çatacağı gözlənilir. Müqayisə üçün qeyd edək ki, Ascend 910C-nin cəmi 70 min ədəd satacağı və təxminən 2 milyard dollar gəlir əldə edəcəyi proqnozlaşdırılır. Beləliklə, Ascend 910C bir rübdə 2 milyard dollar qazanacaq. Nvidia H20-nin 12 milyard gəlir gətirdiyini fərz etsək, şirkətin hər rübdə 3 milyard dollar istehsal etdiyini görə bilərik. Buna görə də fərqlər nisbətən yaxındır.
