Dünyanın ən böyük texnologiya şirkətlərindən biri olan Google süni intellekt texnologiyaları ilə öz funksiyalarını təkmilləşdirir. Belə ki, Google öz platformalarında reklamlar üçün yeni süni intellekt alqoritmlərindən istifadə edəcək. Bildiyimiz kimi, Google bir çox platformasında reklamlar vasitəsi ilə gəlir qazanır. Bu reklamların platfomalar və saytlar arasında yerləşdirilməsi üçün isə Google artı süni intellekt alqoritmalarından istifadə edəcək. Hətta texnologiya nəhəngi süni intellekt əsaslı 2 yeni reklam funksiyasını da elan edib. Bu funksiyalar isə öz növbəsində platformalar arasında reklamların ən yaxşı şəkildə yerləşdirilməsini təmin edir.
Demand Gen adlanan yeni funksiya Gmail, YouTube və Shorts kimi platformalarda müxtəlif şirkətlərin məhsullarını ən yaxşı şəkildə reklam edəcək. Ümumiyyətlə son zamanlarda bu sahədə süni intellekt texnologiyaları üstünlük təşkil edir. Hətta şirkətlər istifadəçilərlə birbaşa ünsiyyət qura bilən süni intellekt çatbotları hazırlayır. Həmçinin Google şirkəti də rəqiblərindən geri qalmamaq üçün süni intellekt texnogiyalarından istifadə edir. Hətta Google reklamlar üçün yeni süni intellekt əsaslı funksiyalardan da istifadə edəcək.
Bu funksiyalar reklam olunan məhsulun və ya şirkətin kateqoriyasına uyğun olaraq onları platformalar arasında ən yaxşı şəkildə yerləşdirir. Həmçinin süni intellekt əsaslı bu funksiyalar reklamları maksimum formada insanların qarşısına doğru məqamlarda çıxaracaq. Qeyd edək ki, ilkin sınaqlar nəticəsində yeni funksiyaların reklamların baxış sayını 40% artırdığı məlum olub. Beləliklə Google platformalarında reklam vermək artıq həm daha sadə həm də daha səmərəli olacaq.
