Google bu dəfə istifadəçilərin təhlükəsizliyini təkmilləşdirmək üçün addım atır. Belə ki, texnologiya nəhəngi APK fayllarınızı da skan edəcək. Bildiyimiz kimi, Android əsaslı cihazlarda əsas təhlükə mənbəyi naməlum saytlarda quraşdırılan APK fayllarıdır. Lakin indi Google, Play Store xaricində yüklənilən və quraşdırılan bütün APK fayllarını skan edəcək. Hətta texnologiya nəhəngi bunu süni intellekt vasitəsi ilə etmək istəyir.
Beləliklə Google Play Protect-ə Android proqramlarının skan edilməsi funksiyasını əlavə etdi. Artıq Google, Play Store xaricindən yüklənən bütün APK fayllarına nəzarət edərək və onları skan edəcək. Bu addım ilə zərərli proqramların istifadəçilərin mobil cihazlarına sızması artıq daha çətin olacaq. Qeyd edək ki, Play Protect arzuolunmaz və ya zərərli proqramları aşkar etmək üçün əməliyyat sisteminə quraşdırılmış platformadır və gündə 125 milyarda qədər skan əməliyyatı edir. İndiyə qədər Play Protect sadəcə Play Store mağazasından yüklənmiş tətbiqlərə nəzarət edərdir. İndi isə onun funksiyası daha da təkmilləşir.
Play Protect digər naməlum səhifələrdən quraşdırımasına cəhd edilən proqramları skan edəcək və şübhəli nəsə aşkar edərsə, bu barədə istifadəçini xəbərdar edəcək və proqramın quraşdırılmasını bloklayacaq. Lakin burada Google istifadəçilərı tətbiqi skan et və ya tətbiqi quraşdır adlı 2 ayrı seçim təklif edəcək. Skan tamamlandıqdan sonra Google həmin tətbiqin quraşdırılmamasının səbəbini təqdim edəcək. Yeni təhlükəsizlik funksiyası hazırda Hindistanda əlçatandır. Qısa zamanda isə bu funksiyanın digər ölkələrə də yayılacağı bildirilir.
