Google bu dəfə Android istifadəçiləri üçün yenilik elan etməyə hazırlaşır. Belə ki, TheSpAndroid mənbəsinə görə, Google “Play Store” tətbiq mağazasında paralel yükləmə dəstəyini sınaqdan keçirir. Bu funksiyanın əsas məqsədi, adından da göründüyü kimi eyni vaxtda iki proqramı yükləməkdir. ROOT edilən bir Android cihazda Google Play Store v40.0.13 daxilindən bu funksiyanın işə salınması ilə birdən çox proqramı eyni vaxtda yükləmək olar.
Qeyd edək ki, Reddit-də yayımlanan əvvəlki hesabatlar və ekran görüntüləri şirkətin bu funksiyanı ilk dəfə düşünmədiyini göstərir. Bu xüsusiyyət, tətbiq daxilində xüsusi bir qutunu aktivləşdirdikdən sonra 5 tətbiqi eyni anda yükləməyə imkan verir. Görünən odur ki, Google, Play Store üçün paralel yükləmə dəstəyini artıq son dəfə sınaqdan keçirir. Hazırda bir çox məhdudiyyətlərə və problemlərə sahib olan bu funksiyanın istifadəçilərə nə zaman təqdim ediləcəyi isə məlum deyil.
Bununla belə, ROOT edilən bir cihazınız varsa, GMS Flags tətbiqindən istifadə edərək, aşağıdakı paketi yükləyə və daha sonra aktivləşdirə bilərsiniz.
paket-соm.gооglе.аndrоіd.fіnѕkу.rеgulаr
aktivləşdirmək üçün-InstallQueue__enable_su_parallel_install
Qeyd edək ki, Google daha əvvəl sənədlərini Avropa Birliyinin rəqəmsal bazarlar qanununa uyğun olaraq yeniləmişdi. Martın 6-dan etibarən Play Store tərtibatçıları Avropa Birliyindəki xarici ödəniş təkliflərinə qoşula biləcəklər. Təəssüf ki, bu imkan sadəcə Avropa Birliyi üçün keçərli olacaq.
