ABŞ mətbuatının yazdığına görə, Google-a məxsus Alphabet məşhur Fortnite oyununun tərtibatçısı Epic Games-ə qarşı qaldırdığı antiinhisar işində uduzub. Belə ki, rəsmi olaraq məhkəmə prosesi hələdə davam edir, lakin analitiklər Google şirkətinin Epic Games qarşısında uduzduğunu bildirir. Hətta yekun qərarın bütün internet üçün həllədici əhəmiyyətə malik olacağı proqnozlaşdırılır. Məhkəmə prosesində ABŞ münsiflər heyəti Android proqramların Google Play vasitəsi ilə yayılmasının monopoliya olduğunu da bildirib.
Epic Games rəsmi olaraq bildirir ki, “Bugünkü qərar bütün dünya üzrə proqram tərtibatçıları və istehlakçıların qələbəsidir. Bu, Google-un tətbiq mağazası proqramlarının qanunsuz olduğunu və hədsiz ödənişlər toplamaq, rəqabəti boğmaq və innovasiyaları boğmaq üçün öz inhisarından sui-istifadə etdiyini sübut edir”. Qeyd edək ki, Google Play tətbiq mağazası ilə GooglePlay Billing xidmətləri arasında qeyri-qanuni əlaqə aşkar edilib. Habelə platforma ilə oyun və proqram tərtibatçıları arasında əməliyyatları tənzimləyən Project Hug müqaviləsinin də rəqabətə zidd olduğu müəyyən olunub.
Google-un ictimai məsələlər və ictimai siyasət üzrə vitse-prezidenti Wilson White bildirib ki, şirkət məhkəmənin qərarından apellyasiya şikayəti vermək niyyətindədir. Qeyd edək ki, Epic Games dəymiş ziyanla bağlı məhkəməyə müraciət etməyib. Epic Games prezidenti Tim Sweeney bildirib ki, Google komissiya haqqını ödəmək məcburiyyətində qalmasa şirkət milyonlarla, hətta milyardlarla gəlir qazanacaq.
