Ümumiyyətlə biz son dövrlərdə smartfon bazarına nəzər yetirsək smartfonların getdikcə daha böyük batareya həcmlərinə və sürətli şarj texnologiyalarına sahib olduğunun şahidi olarıq. Bəs görəsən ən sürətli şarj ola bilən smartfonlar əsasən hansı brendlərə məxsusdur? Ən sürətli şarj olan smartfonlar ilə bağlı araşdırma aparan Counterpoint şirkəti hesabat yayımlayıb. Qeyd edək ki, tədqiqat 2023-cü ilin birinci rübü üzrə aparılıb. Yekunda isə məlum olub ki, smartfonların 80%-dən çoxu ən azı 10Vatt şarj dəstəkləyir. Bu isə ötən ilə nəzərən 6% daha azdır.
Hesabata görə smartfonların orta şarj sürəti 2018-ci ilin birinci rübündə 18Vatt olsa da, bu rəqəm 2022-ci ildə 30Vatt, bu ilin birinci rübündə isə 34Vatta qədər yüksəlmişdir. Counterpoint şirkəti konkret olaraq smartfonların adını çəkməyib onları brendlərinə görə qeyd edib. Əgər biz cədvələ baxsaq görərik ki, ən sürətli şarj olan smartfonlar şübhəsiz Çin brendlərinə məxsusdur. Honor, Vivo, Xiaomi kimi brendlərin yeni smartfonları bazarda ən sürətli şarj ola bilən smartfonlar hesab olunur. Hətta onların orta şarj sürəti 50Vatt-dır. Siyahıda lider Honor olsa da digər adını çəkdiyimiz çin brendləri heç də ondan geri qalmır. Belə ki, 2-ci və 3-cü sırada müvafiq olaraq Vivo və Xiaomi brendləri dayanır. Yeri gəlmişkən qeyd edək ki, hal-hazırda ən sürətli şarj olan smartfon 240 Vatt göstərici ilə GT Neo5 modelidir.
Siyahıya baxdıqda ən çox diqqət çəkən brend isə Apple brendidir. Belə ki, Amerikalı brend son 5 ildə demək olar şarj sürətini artırmayıb. Maraqlısı budur ki, texnologiya nəhəngi hələ də bu barədə addım atmağı fikirləşmir. Digər smartfon brendləri isə son 5 ildə 10 Vattdan 30 Vatt-a qədər irəliləyiş əldə edə biliblər. Ümumiyyətlə Apple brendinin 1 addım yuxarısındada smartfon bazarının digər liderlərindən biri olan Samsung dayanır. Samsung brendi apple brendinə nəzərən biraz irəliləyiş əldə etsə də, yenə rəqiblərindən geri qalır. Bütün bunlara baxmayaraq hələ də bazarda ən çox satılan smartfonlar məhz Samsung və Apple nəhənglərinə aiddir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
