Tesla şirkətinin hazırkı CEO-su və qurucusu Elon Musk bu dəfə fərqli mövzu ilə gündəmdədir. Belə ki, Elon Musk gecə saatlarında rəsmi X hesabında Tesla Roadster modelinin bütün mühəndislik və dizayn qaynaq kodlarını paylaşıb. Hətta o bir istifadəçinin artıq öz qarajımda Tesla Roadster düzəldə bilərəm? sualına bəzi qurğulara ehtiyacın olacaq şəklində cavab verib. Qeyd edək ki, Tesla şirkətinin rəsmi saytında yer alan bu qaynaq kodları ilk Tesla Roadster modelinə məxsusdur. Yəni Tesla Roadster 2008 modelinin artıq bütün hazırlanma qaydası məlumdur.
Ümumiyyətlə Tesla Roadster modelinin istehsalı 2012-ci ildən bəri dayandırılıb. Bununla belə Tesla şirkətinin gələcəkdə daha müasir dizaynlı və təkmilləmiş Tesla Roadster hazırlamaq planı mövcuddur. Elon indi 2008-ci ildə istehsal olunan Tesla Roadster qaynaq kodlarını platformada paylaşıb. Qeyd edək ki, saytda elektromobilin xidmət kitabçası, sxemləri, hissələr üzrə təlimatları, batareya strukturu ilə bağlı bütün məlumatlar yer alır. Hətta Tesla elektromobilin şurublarına qədər necə bağlaya biləcəyinizi izah edib.
Hazırda 2008-ci ilə aid Tesla Roadster tapmaq çox nadir hadisələrdən biridir. Çünki, Tesla bu elektromobili sadəcə 2000 ədəd məhdud tirajda istehsal etmişdi. Məhz bu elektromobillərin də əksəriyyəti arizaonadakı bir qarajda baş verən qəzalar, yanğınlar nəticəsində sıradan çıxmışdı. İndi isə bu elektrombili öz qarajınızda belə hazırlaya bilərsiz. Qeyd edək ki, tesla 2015-ci ildə bütün patentlərini açıq qaynaq kodlarına çevirmişdi. Yəni bu kodlardan istifadə olunaraq bir nüsxə hazırlayanlar məhkəmə tərəfindən ittiham edilməyəcək.
